Հեղափոխական սուտն ու գնաճը «Նոր Հայաստանում»

Հայաստանում թանկացումների նոր ալիք է սկսվել: Այս մասին չի լռում նաեւ պաշտոնական վիճակագրությունը: Ընդ որում, թանկացել են ոչ միայն միրգը, բանջարեղենը, այլեւ կարագը, ալյուրը, մսամթերքը, ձուն եւ այլն: Հանրապետությունում արձանագրվել է սննդամթերքի եւ ոչ ալկոհոլային խմիչքի 1.7 տոկոս գնաճ: Այդ թանկացումների վրա իրենց անմիջական ազդեցությունն են թողել մսի` 2.4, մրգի` 3.3 եւ բանջարեղենի` 6.5 տոկոս թանկացումը: Ձուկը եւս թանկացել է 100 դրամով: 

 Խորհրդարանական ընտրություններից հետո այլուրի գինը թանկացավ 1 դոլարով՝ 22-ից դառնալով 23 դոլար՝ բարձր տեսակի 50 կիլոգրամանոց պարկի հաշվարկով: Թանկացավ նաև անասնակեր թեփի գինը՝ դառնալով 5 դոլար, 40 ցենտ: Այսինքն, Նոր Հայաստանում դեռևս գործում են հին Հայաստանին բնորոշ մոնոպոլ երևույթները: Օղիները թանկացել են 30-50 դրամով: Պաշտոնապես ալկոհոլային խմիչքը թանկացել է 0.3 տոկոսով: Կաթնամթերքի եւ ձվի շուկաներում գնաճը կազմում է 1 տոկոս, ինչին նպաստել է ձվի 5.9 տոկոս գնաճը: Ըստ որոշ տեղեկությունների` ձվի գնի թանկացումը պայմանավորված է վերջին շրջանում հավերի մասսայական անկման դեպքերի հետ: Թանկացել են նաեւ սուրճը, թեյը, կակաոն, ոչ ալկոհոլային խմիչքները, հացաբուլկեղենը:

Բացի այդ, թանկացել է ոչ միայն տեղական արտադրության, այլեւ ներմուծված ծխախոտը: Օրինակ` տեղական արտադրության «Արարատ» ծխախոտի մեկ տուփը թանկացել է 50 դրամով` 550-ից դառնալով 600 դրամ: Իսկ ահա ներկրված «Slims» տեսակի սիգարետի մեկ տուփը 420-ից դարձել է 450 դրամ` թանկանալով 30 դրամով: Մինչ այս՝ ծխախոտային արտադրանքի համար տնտեսվարողների վճարած ակցիզային հարկը 1 տուփ ծխախոտի համար ստացվում էր 5.5 դրամ: Սակայն այն դարձել է 7.2 դրամ: Այսինքն` միայն ակցիզի թանկացման պատճառով 1 տուփ ծխախոտն արդեն թանկացել էր 35 դրամով: Ամռան ամիսների համեմատ, բանանի գինը կրկնակի աճել է: Եթե մայիսի հայտնի իրադարձություններից հետո քննարկման թեմա էր դարձել, որ բանանը վաճառվում է 400-420 դրամով, ապա այժմ բանանը վաճառվում է մինչեւ 850 դրամով: Մասնավորապես, «Երեւան Սիթի» եւ «Նոր Զովք» սուպերմարկետներում բանանի գինն այս օրերին տատանվում է 520-540 դրամի սահմանում: 

Նվազագույն պարենային զամբյուղը 2017-ին ուներ հետևյալ տեսքը.

Աննդամթերքի գնաճը Հայաստանում 2022-ին՝ 2021-ի համեմատ ուներ հետևյալ տեսքը: Աղբյուրը՝ Հետք:

2018-ի համեմատ` 2022-ին ունենք հետևյալ պատկերը: Ալյուրը 376 դրամից դարձել է 508, բրնձի կիլոգրամը 778 դրամից դարձել է 1070, տավարի մսի կիլոգրամի գինը 3045-ից դարձել է 3255, ոչխարի մսի կիլոգրամը 3578-ից դարձել է 4280, խոզի միսը` 3347 դրամից 3810, ձուն` 527-ից` 633, կարագը` 5217-ից 5891, բուսական յուղը՝ 713-ից  1270: