Կիևը կպարտվի ամռան վերջին կամ վաղ աշնանը. ԱՄՆ հետախուզություն

Ուկրաինայի կողմից մարտերին մասնակցող օտարերկրյա քաղաքացիները պետք է լքեն Ուկրաինան, քանի որ նրանց կյանքին վտանգ է սպառնում։ Այս մասին հայտնել է RIA Novosti-ն՝ ԱՄՆ ծովային հետևակի կորպուսի հետախուզության նախկին աշխատակից Սքոթ Ռիտերին հղումով։ Նա ենթադրել է, որ Կիևը կպարտվի ամռան վերջին կամ վաղ աշնանը։

Ուկրաինան տանուլ տվեց հակամարտությունը։ Ուկրաինան չի հաղթի այս հակամարտությունում։ Ուկրաինան չի կարող հաղթել այս հակամարտությունը։ Իսկ եթե Ուկրաինայի համար կռվող օտարազգի ես, հասկացիր, որ գտնվում ես մի դիրքում, որտեղ պետք է զոհաբերես քո կյանքը։ Ես կոչ եմ անում բոլոր օտարերկրացիներին լքել Ուկրաինան, քանի որ Ուկրաինան կպարտվի այս պատերազմում, և եթե դուք առաջին գծում եք, ապա մեծ հավանականություն ունեք սպանվելու կամ վիրավորվելու», - ասել է Ռիտերը։

Ամերիկացու խոսքով՝ հակամարտությունը կարող է ավարտվել նույնիսկ մինչև աշնան սկիզբ՝ հաշվի առնելով ուկրաինացի զինվորականների մահացության մակարդակը։ 

Ավելի վաղ Ռիտերը հայտարարել էր, որ Ռուսաստանի հետ հակամարտությունում Ուկրաինայի պարտությունն անխուսափելի է։ Նրա խոսքով, ուկրաինական զորքերը չեն կարողանա ոչինչ անել, որպեսզի Ռուսաստանի Դաշնությունը չհաղթի իրենց։ Պաշտոնաթող ծովայինը նշել է, որ Ուկրաինայի պարտությունը հարված կլինի Վաշինգտոնին։ Ռիտերը նշել է, որ ԱՄՆ-ն աջակցում է Ուկրաինային, սակայն դա նրան չի օգնի։ «Կիևի իրական պարտությունը «քաղաքական պարտություն» կլինի ԱՄՆ-ի համար»,-հավելել է նա։