Իտալիայում ծնելիության մակարդակն ամենացածրն է 1861 թվականից ի վեր. FT

2022 թվականին Իտալիայում ծնվել է 393,000 երեխա, ինչը, ըստ Financial Times-ի, ամենացածր մակարդակն է 1861 թվականին Ջուզեպպե Գարիբալդիի կողմից երկրի միավորումից ի վեր:

Իտալիայում ծնելիության մակարդակը ամենացածրներից մեկն է Տնտեսական համագործակցության և զարգացման կազմակերպությունում (ՏՀԶԿ)՝ միայն Հարավային Կորեան է մեկ կնոջ հաշվով ավելի քիչ երեխաներ ունենում: 2021 թվականին այդ ցուցանիշը 0,81 էր, իսկ նախկինում ավելի ցածր՝ 0,78։

Իտալիայում մեկ կնոջը բաժին է ընկնում 1,24 երեխա։

2021 թվականին Մարիո Դրագիի կառավարությունը հավանություն էր տվել մինչև 21 տարեկան յուրաքանչյուր երեխայի համար ծնողներին 50-ից 170 եվրոյի չափով ամսական վճարումներ տրամադրելը, սակայն այս միջոցառումները չեն կանգնեցրել ծնելիության անկումը, որը շարունակվում է 2008 թվականի ճգնաժամից ի վեր։ Միաժամանակ երկրում 100 տարեկանից բարձր քաղաքացիների թիվը գերազանցել է 22 հազարը։

Ժողովրդագրական նոր միտումներն ազդարարում են Իտալիայի բյուջեի բեռի ավելացում՝ եկամուտների նվազմամբ և սոցիալական ճգնաժամով: Վերլուծաբանները իշխանություններին խորհուրդ են տալիս բնակչությանը հնարավորություն ընձեռել համատեղելու ծնող լինելն ու աշխատանքը, մասնավորապես՝ մատչելի մանկապարտեզների հասանելիությունը, որոնցով ապահովված է քաղաքացիների միայն 26%-ը։