Սասուն Խաչատրյանը «կփրկի՞» Արսեն Թորոսյանին. կոմպրոմատների պայքար է սպասվում

Կորոնավիրուսի դեմ պայքարում առողջապահության ոլորտում հայտնաբերված կոռուպցիոն չարաշահումների գործի շուրջ  շաբաթներ առաջ ի հայտ եկած աղմուկը, կարծես թե, աստիճանաբար մարել է: Շուրջ մեկ տարի առաջ հարուցված գործի քննությանը թափ հաղորդվել էր միայն վերջերս, կատարվեցին աղմկոտ ձերբակալություններ, ցուցադրաբար խուզարկություն կատարվեց Երեւանի քաղաքապետի տեղակալ, առողջապահության նախարարի նախկին տեղակալ Գեւորգ Սիմոնյանի աշխատասենյակում, ապա՝ ձերբակալեցին թե նրան, թե գործող առողջապահության նախարար Անահիտ Ավանեսյանի ընկերուհուն՝ «Թոքաբանության ազգային կենտրոն» ՓԲ ընկերության դեղակայուն բաժանմունքի վարիչ Լուսինե Եղիազարյանին ու էլի տարբեր մարդկանց։ Հայտարարեցին, թե մեկ տասնյակից ավել մարդ է ներգրավվել գործով։ Սակայն, փաստացի այսօր միայն երեքն են կալանքի տակ՝ Գևորգ Սիմոնյանը, «Մեդլայն» ԲԿ տնօրեն Բաբկեն Շահումյանը, նույն ԲԿ փոխտնօրեն Լիլյա Հակոբյանը, Լուսինե Եղիազարյանի նկատմամբ որպես այլընտրանքային խափանման միջոց է ընտրել տնային կալանքը։

Այս ամենին հաջորդեց Արսեն Թորոսյանի ֆեյսբուքյան ուշագրավ գրառումը, որում նախկին նախարարը ոչ միայն կասկածի տակ դրեց ընթացող քննության օբյեկտիվությունը, ակնարկելով, որ վերևներից պատվեր է իջեցվել իր գործընկերների և կարելի է ասել՝ համակարգ իր կողմից բերված կադրերի դեմ, այլև խոստացավ պարբերաբար հանրության ներկայացնել մանրամասներ՝ կոռուպցիայի դեմ պայքարի շրջանակներում ձեռնարկված քայլերի մասին։ 

Սա, ըստ էության, նշանակում է, որ Արսեն Թորոսյանը ակնարկում է ձեռքի տակ ունեցած կոմպրոմատները հանրության տրամադրության տակ դնելու պատրաստակամության մասին, եթե քննչական գործողություններն ի վերջո հասնեն իր անձին: Զուգադիպություն է, թե ոչ, սակայն այդ գրառումից հետո կրքերը հանդարտվել են և կարելի է ենթադրել, որ Թորոսյանի նախազգուշացումները հասել են հասցեատերերին, որոնք բնավ էլ շահագրգռված չեն, որպեսզի իրենց գործունեության վերաբերյալ ինչ-ինչ կոռուպցիոն դրվագներ հանրայնացվեն և արդյունքում՝ մեղադրյալի աթոռին հայտնվեն նաև իրենք:

Դժվար է ասել՝ արդյոք հենց այս հանգամանքն է ազդել Թորոսյանի շուրջ ձևավորված աղմուկը մարելու վրա, թե ամեն դեպքում վճռական նշանակություն է ունեցել վերջինիս միջնորդավորված մտերմությունը Հակակոռուպցիոն կոմիտեի նախագահ Սասուն Խաչատրյանի հետ: Մամուլը գրել էր, որ Թորոսյանը, ով փաստացի մերժված է թիմակիցների կողմից, այժմ ընդգծված մտերիմ է Ազգային ժողովի սոցիալական հարցերի մշտական հանձնաժողովի նախագահ Հերիքնազ Տիգրանյանի հետ: Եվ դա պատահական չէ: Իսկ Տիգրանյանն իր հերթին Հակակառուպցիոն կոմիտեի նախագահ Սասուն Խաչատրյանի ու վերջինիս եղբոր՝ Բարձրագույն դատական խորհրդի անդամ Դավիթ Խաչատրյանի հետ է մտերիմ: Հենց այս հանգամանքը հաշվի առնելով՝ կարծիքներ էին շրջանառվում, որ Հակակոռուպցիոն կոմիտեն Թորոսյանի ձկնաբուծարաններ ունենալու թեման նույնպես այնքան խորը չքննեց, որքան կարող էր:

Թե ինչով կավարտվի նախկին նախարարի ոդիսականը, ցույց կտա ժամանակը, իսկ մինչ Թորոսյանը «ատամներ» է ցույց տալիս և փորձում հասկացնել, որ «խորտակվելու» դեպքում միայնակ չի «խորտակվի»՝ իր հետ տանելով նաև որոշ բարձրաստիճան թիմակիցների..

Այս թեմայով «Անբացատրելի ամաչում էի, բայց օգտագօրծեցի պահն ու այնքա՜ն մեծ բավականություն ստացա». Աննա Մանուչարյանը երգում է Արսեն Գրիգորյանի նվագակցությամբ Արսեն Խառատյանին Թբիլիսիի օդանավակայանում պահելուց հետո հետ են ուղարկել Եվրոպա Վրաստանի սահմանապահները արգելել են Արսեն Խառատյանի մուտքը երկիր Արսեն Խառատյանին պահում են Թբիլիսիի օդանավակայանում Շատ ուրախացա, որ Արմեն Աշոտյանը հետագա պատիժը կրելու է տանը. Արսեն Բաբայան