Ռուսաստանը պետք է Բելառուսը պաշտպանի` որպես սեփական տարածք. Լուկաշենկոն՝ Շոյգուին
Համաշխարհային Մամուլ
Ռուսաստանը պետք է երաշխավորի, որ Բելառուսի դեմ արտաքին ագրեսիայի դեպքում կպաշտպանի այն՝ որպես սեփական տարածք։ Այս մասին ապրիլի 10-ին Մինսկում ՌԴ պաշտպանության նախարար Սերգեյ Շոյգուի հետ բանակցությունների ժամանակ հայտարարել է Բելառուսի նախագահ Ալեքսանդր Լուկաշենկոն, գրում է BelTA-ն։
Լուկաշենկոյի խոսքով՝ արևմտյան երկրները չեն կատարում անվտանգության երաշխիքների մասին պայմանավորվածությունները, որոնք տրվել էին Բուդապեշտի հուշագրով միջուկային զենքի դուրսբերման դիմաց։ Ուստի, նա ավելի վաղ իր ռուս գործընկեր Վլադիմիր Պուտինի հետ բանակցություններում բարձրացրել էր «Բելառուսի ամբողջական անվտանգության» խնդիրները։
Պուտինը, ըստ Լուկաշենկոյի, «աջակցել է նրան բոլոր ոլորտներում» և առաջարկել է վերանայել բոլոր պայմանագրերն ու համաձայնագրերը՝ հասկանալու համար, թե ինչ փաստաթուղթ է անհրաժեշտ ընդունել Բելառուսի անվտանգությունն ապահովելու համար։
«Ընդհանուր առմամբ, բանակցություններում այն հնչեց այնպես, որ Բելառուսի դեմ ագրեսիայի դեպքում Ռուսաստանի Դաշնությունը պաշտպանում է Բելառուսը՝ որպես իր տարածք։ Սրանք են մեզ անհրաժեշտ երաշխիքները»,- ասել է Լուկաշենկոն:
Ամենադիտված 
Մնաս բարյավ. Րաֆֆի Հովհաննիսյան
