ԱՄՆ Լուիսվիլում հրաձգության հետևանքով զոհվել է հինգ և վիրավորվել վեց մարդ․ CNN

Կենտուկի նահանգի Լուիսվիլ քաղաքում հրաձգության հետևանքով զոհվել է 5 մարդ, վիրավորվել՝ վեցը։ Այս մասին հայտնում է CNN-ը՝ հղում անելով աղբյուրներին։

Միջադեպը տեղի է ունեցել տեղական ժամանակով 08:30-ի սահմաններում։ Հայտնի է, որ հարձակվողը մահացած է։ Տուժածների առողջական վիճակի մասին տեղեկություն դեռ չի հաղորդվում։

Ըստ լրատվամիջոցների՝ փոխհրաձգություն է տեղի ունեցել ոստիկանի և կրակողի միջև։ Ականատեսը պատմել է, որ «կրակողը ընկել է»։

Ավելի վաղ Լուիսվիլի ոստիկանությունը քաղաքացիներին զգուշացրել էր խուսափել Լուիսվիլի կենտրոնում գտնվող East Main Street 300 թաղամասից՝ նշելով, որ այնտեղ կրակոցներ են եղել, և «կան բազմաթիվ զոհեր»։