Դուք բարձր գին կվճարեք. Իսրայելի վարչապետը սպառնացել է Սիրիային
Համաշխարհային Մամուլ
Իսրայելական զինուժը հարվածներ է հասցրել Սիրիայում իրանական և սիրիական օբյեկտներին՝ ի պատասխան Արաբական Հանրապետության կողմից վերջերս իրականացված գնդակոծությունների: Այս մասին հայտարարել է Իսրայելի վարչապետ Բենիամին Նեթանյահուն՝ զգուշացնելով Սիրիայի իշխանություններին և նախագահ Բաշար ալ-Ասադին, որ տարածաշրջանում լարվածության հետագա սրման դեպքում նրանք «բարձր գին կվճարեն»։
«Սիրիայում մենք հարձակվել ենք իրանական թիրախների և սիրիական կառավարության թիրախների վրա: Ասադի ռեժիմը լավ գիտի, որ իրենց վճարած գինը միայն սկիզբն է: Եթե նրանք շարունակեն թույլ տալ, որ հրթիռներ արձակվեն Իսրայելի վրա, Ասադի ռեժիմը դրա համար շատ լուրջ գին կվճարի»,- ասել է Նեթանյահուն։
Նա ընդգծել է, որ Իսրայելը չի ձգտում սրել լարվածությունը, սակայն անհրաժեշտության դեպքում պատրաստ է «շատ հզոր գործողությունների բոլոր ճակատներում»՝ ցանկացած հակառակորդի դեմ։
Ամենադիտված 
Մնաս բարյավ. Րաֆֆի Հովհաննիսյան
