Նիդեռլանդներում հավանություն են տվել մանկահասակ երեխաների էֆթանազիային

Նիդեռլանդների կառավարությունը որոշել է ընդլայնել երկրում էվթանազիայի կանոնները՝ հաստատելով դրանց երկարաձգումը մեկից մինչև 12 տարեկան անբուժելի հիվանդ երեխաների համար, ովքեր տառապում են։ Այս մասին հայտնում է NL Times թերթը՝ հղում անելով Նիդեռլանդների իշխանությունների՝ ուրբաթ՝ ապրիլի 14-ին տարածված մամուլի հաղորդագրությանը։

Առողջապահության, բարեկեցության և սպորտի նախարար Էռնստ Կոյպերսն ասել է, որ ակնկալում է, որ որոշումը տարվա ընթացքում կգործի: Նրա խոսքով՝ նոր կանոնները, հավանաբար, կկիրառվեն տարվա մեջ միայն 5-10 երեխաների նկատմամբ, որոնց համար էֆթանազիան «անտանելի տառապանքներից ազատվելու միակ տարբերակը կլինի»։ Նա ընդգծել է, որ խոսքը ծանր հիվանդ երեխաների մասին է, որոնց մահն անխուսափելի է և շուտով այն վրա կհասնի։ «Սա հատկապես բարդ խնդիր է, որը վերաբերում է շատ բարդ իրավիճակներին։ Իրավիճակներ, որոնց հետ ոչ ոք չէր ցանկանա առերեսվել»,- ասել է նախարարը։

Ներկայում Նիդեռլանդներում էվթանազիայի մասին օրենքը թույլ է տալիս մեծահասակներին և 12 տարեկանից բարձր երեխաներին ինքնակամ մահանալ, եթե նրանք անտանելի տառապանքներ են ապրում և ապաքինվելու հնարավորություն չունեն: Օրենքով 12 տարեկանից բարձր երեխաները համարվում են ունակ հասկանալու իրենց իրավիճակը և իրենց որոշման լրջությունը, սակայն նախագիծը չի նախատեսում էվթանազիայի հնարավորություն մահացու հիվանդ մեկ տարեկանից մինչև 12 տարեկան երեխաների համար:

Նշենք, որ 2014 թվականից նման օրենք է գործում նաև Բելգիայում։