Սուդանի բանակը մերժել է «Արագ արձագանքման ուժերի» հետ բանակցությունները

Սուդանի կանոնավոր բանակը հերքում է «Արագ արձագանքման ուժեր» կազմակերպված ապստամբ խմբավորման հետ բանակցությունների սցենարը։ Այս մասին հայտարարել է Սուդանի բանակի և ինքնիշխան խորհրդի ղեկավար Աբդել Ֆաթահ Բուրհանը, փոխանցում է Al-Arabiya հեռուստաալիքը։

«Բանակն ունի բավական ուժ և կամք ապստամբներին հաղթելու համար», - ասել է նա՝ հավելելով, որ լուսադեմին ապստամբները փորձել են վերահսկողության տակ առնել բանակի շտաբները և երկրի կենսական տարածքները։

Ավելի վաղ հաղորդվել էր Սուդանում կանոնավոր բանակի և «Արագ արձագանքման ուժերի» միջև բախումների բռնկման մասին։ Սուդանի հատուկ ջոկատայինների շտաբի մոտ պայթյուններ են հնչել։