Պուտինն այցելել է Խերսոնի մարզ
ՌուսաստանՌԴ նախագահ Վլադիմիր Պուտինը մեկնել է Խերսոնի մարզ և այնտեղ այցելել «Դնեպր» զորքերի խմբավորման շտաբ, որտեղ նա ծանոթացել է Խերսոնի, ինչպես նաև Զապորոժիեի ուղղություններում տիրող իրավիճակին: Այս մասին հաղորդում է ТАСС-ը:
Հաղորդվում է, որ Ռուսաստանի ղեկավարը Խերսոնի մարզ է ժամանել ուղղաթիռով, որից հետո արտաճանապարհային մեքենայով գնացել է շտաբ։ Այնտեղ «Դնեպր» զորքերի խմբավորման հրամանատար, գեներալ-գնդապետ Օլեգ Մակարևիչը ՌԴ նախագահին հայտնել է, որ խմբավորումը «իրականացնում է պաշտպանություն՝ կարգադրության համաձայն»։
Պուտինը շտաբում խորհրդակցություն է անցկացրել: ՌԴ նախագահին զեկույց են ներկայացրել նախ Խերսոնի, այնուհետև՝ Զապորոժիեի ուղղություններում ստեղծված իրադրության վերաբերյալ:
ՌԴ նախագահը նաև շնորհավորել է զինծառայողներին Զատկի տոնի կապակցությամբ և նրանց նվիրել սրբապատկեր, որը, Պուտինի խոսքով, պատկանել է «Ռուսական կայսրության ամենահաջողակ պաշտպանության նախարարներից մեկին»:
ТАСС-ը նշում է, որ սա Ռուսաստանի ղեկավարի առաջին այցն է Խերսոնի մարզ: Ըստ հրապարակման՝ նախորդ անգամ Պուտինն «այցելել էր Ռուսաստանի նոր շրջաններ մարտի 19-ին, երբ մեկնել էր Մարիուպոլ»:
Դոնեցկի Ժողովրդական Հանրապետությունում, Լուգանսկի Ժողովրդական Հանրապետությունում, Խերսոնի և Զապորոժիեի մարզերում 2022 թ.-ի սեպտեմբերի 23-27-ը հանրաքվեներ են անցկացվել Ռուսաստանի Դաշնության կազմ մտնելու վերաբերյալ: Ըստ ՌԴ Կենտրոնական ընտրական հանձնաժողովի հրապարակած տվյալների՝ նշված տարածքները կողմ են արտահայտվել Ռուսաստանի կազմ մտնելուն:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
