ԱՄՆ-ն գաղտնի միջուկային տեխնոլոգիա է թաքցնում ուկրաինական ատոմակայանում․ CNN

ԱՄՆ-ը նախազգուշական նամակ է ուղարկել ​​«Ռոսատոմ» Ռուսաստանի ատոմային էներգետիկայի պետական ընկերությանը, որ Զապորոժիեի ատոմակայանում գտնվում է իրենց գաղտնի միջուկային տեխնոլոգիան, որի արտահանումը խստորեն վերահսկվում է Սպիտակ տան իշխանությունների կողմից։ Այս մասին հայտնում է ամերիկյան CNN հեռուստաալիքը։

«Էներգոդարում գտնվող Զապորոժիե ատոմակայանը պարունակում է միջուկային տեխնոլոգիաներ, որի արտահանումը վերահսկվում է Միացյալ Նահանգների կառավարության կողմից», - հեռուստաալիքը մեջբերել է նամակի բովանդակությունը։ Նրանք նշել են, որ «Ռոսատոմ»-ին ուղղված նամակում նախազգուշացում է եղել, որ կայանի ռուս աշխատակիցները «չեն դիպել ամերիկյան տեխնոլոգիաներին», քանի որ դա անօրինական է։