Փաշինյանի՝ «գծատերերի» դեմ պայքարելու խոստումները 2017-ին և իրականությունը՝ Նոր Հայաստանում
Վերլուծական
Այսօր ԱԺ-ում հնչած հայտարարության համաձայն մարզային տրանսպորտային ցանցի բարեփոխման գործընթացը որոշակի խնդիրների է հանդիպել և դեռևս չի ընթանում ցանկալի հունով: Սակայն, ակնհայտ է, որ սա էլ հերթական ոլորտն է, որտեղ ՔՊ-ականների խոստումները պարզապես գրվեցին սառույցին:
Հեղափոխությունից հետո, ի թիվս այլ խոստումների, ՔՊ-ականները խոստանում էին քաղաքների բնակիչներին ազատել այսպես կոչված` գծատերերից: Ահա թե ինչ էր այդ մասին հայտարարում ԵԼՔ դաշինքի քարոզարշավի ընթացքում Նիկոլ Փաշինյանը հեռավոր 2017 թվականին:
Գաղտնիք չէ, որ ամենայուղոտ ուղղությունները գտնվում էին նախկին պաշտոնյաների ձեռքում և այսպես ասած` գծերը հենց նրանք էին տնօրինում: Գալուստ Սահակյան, Տարոն Մարգարյան, Հենրիկ Նավասարդյան և այլն, ցանկը կարելի է շատ երկար շարունակել:
Սկզբում գծատերերից երևանցիներին ազատել խոստացել էր արդեն նախկին քաղաքապետ Հայկ Մարությանը: Վերջինս, սակայն, շատ արագ լեզու գտավ նրանց հետ և որոշեց հնարավորինս ձգձգել տրանսպորտային ռեֆորմը, որպեսզի գծատերերը այս ընթացքում մաքսիմալ օգուտներ հասցնեն քաղել:
Բառացիորեն նույն խոստումները տալիս էին նաև մյուս ՔՊ-ական քաղաքապետերերը, դիցուք՝ Էջմիածնինը: Դիանա Գասպարյանը ավելի շատ զբաղված էր Մանվել Գրիգորյանի ընտանիքին պատկանող սրճարանի բոյկոտով, քան քաղաքային երթուղիները սպասարկող գծատերերով: Էջմիածին-Երեւան-Էջմիածին երթուղուց օգտվողները դժգոհում են, որ գիծը շահագործողները չարաշահում են իրենց համբերությունը: Ըստ նրանց՝ տեւական ժամանակ է՝ ավտոբուսներն իրար «պաս են տալիս». ճանապարհի կեսից ուղեւորներին իջեցնում են, նստեցնում մեկ այլ ավտոբուս: Երթուղին սպասարկում է «Էջմիածնի բեռնաուղեւորատար ավտոտրանսպորտային» ԲԲԸ («Էջմիածին ԲՈՒԱՏ») կազմակերպությունը, որի սեփականատերն ԱԺ նախկին պատգամավոր Հրանտ Գրիգորյանն է:
Վերջին ՏԻՄ ընտրություններում ՔՊ-ականները Գյումրում ակտիվ նախընտրական հանդիպումներ են անցկացնում: Դրանցից մեկի ընթացքում ՔՊ ներկայացուցիչ Արսեն Թորոսյանը, գյումրեցիներին ներկայացնելով իրենց նախընտրական ծրագիրը, խոստացավ, որ ՔՊ հաղթանակի դեպքում քաղաքում կվերանան գծատերերը: Նմանատիպ խոստում հնչեցրեց նաև ՔՊ քաղաքապետի թեկնածու՝ Շիրակի գործող մարզպետը:
Ովքե՞ր են Նոր Հայաստանի հին գծատերերը: Օրինակ՝ Երևան-Արարատ , Արտաշատ-Երևան միջքաղաքային երթուղին սպասարկում է «Գալակտիկա Տրանս Սերվիս» ՍՊԸ-ն: Մամուլում հրապարակումներ եղան կապված ՍՊԸ սեփականատեր Շուշաննա Խաչատրյանի և հեղափոխական իշխանությունների ջերմ հարաբերությունների մասին:
Այս ընկերությունը սպասարկում է նաև Երևան-Արտաշատ և Արարատ-Երևան գիծը և այստեղ է, որ լուրջ բախումների մեջ է մեկ այլ ընկերության՝ նախկին վարչապետ Հովիկ Աբրահամյանի անվան հետ կապվող «Լիգա» ՍՊԸ-ի հետ: Իրավաբանական անձանց պետական ռեսգիստրի գործակալության տվյալներով՝ «Լիգա» ՍՊԸ-ն հիմնադրվել է 1995 թվականին: Հիմնադիրներ Զավեն Նիկոյանն ու Իվան Նիգոյանը հետագայում դադարեցրել են իրենց մասնակցությունը ընկերությունում: Երբ Արտաշատ համայնքը ղեկավարում էր Հովիկ Արահամյանի որդին՝ Արգամ Աբրահամյանը, քաղաքապետարանը հաճախ էր պայմանագրեր կնքում այս ընկերության հետ: «Լիգա» ՍՊԸ-ն իր ավտոբուսներով տարբեր ծառայություններ էր մատուցում քաղաքապետարանին:
Իսկ հեղափոխությունից հետո էլ Արարատի մարզպետարանն է այս ընկերության հետ մեկ անձից գնումների պայմանագիր կնքում, այն էլ բավական կլորիկ գումարի՝ 1,040,000 դրամի չափով։
Այսօրվա դրությամբ ՍՊԸ-ի տնօրենը Կարինե Աբրահամյանն է։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
