Կիևը տանկերի և այլ զինատեսակների պակաս ունի հնարավոր հակահարձակման համար․ NYT
Համաշխարհային Մամուլ
Ուկրաինան չունի բավականաչափ տանկեր և այլ զինատեսակներ հնարավոր հակահարձակման համար, և տեխնիկայի առաջիկա մատակարարումները, ամենայն հավանականությամբ, շատ ուշ կհասնեն։ Այս մասին հայտնում է The New York Times-ը՝ վկայակոչելով Պենտագոնի գաղտնի փաստաթղթերին, որոնք հայտնվել են համացանցում։
Հրատարակությունը նշում է, որ հայտարարություններն այն մասին, որ Abrams տանկերը կարող են Ուկրաինա ժամանել մինչև 2023 թվականի աշուն, ամերիկյան կողմի ամենահզոր զենքը մեկ քայլով մոտեցնում են հակամարտությանը։ Բայց եթե անգամ դրանք հնարավոր լինի տեղափոխել ավելի վաղ, տեխնիկան չի հասցնի մարտադաշտ հասնել Ուկրաինայի Զինված ուժերի հակահարձակման մեկնարկին։
Պենտագոնի գաղտնազերծված փաստաթղթերում նշվում է, որ ամերիկացի ռազմական փորձագետների գնահատմամբ՝ հակահարձակման համար ուկրաինական կողմին անհրաժեշտ կլինի 253 տանկ։ Փետրվարի վերջին մատակարարվել է ընդամենը 200 մարտական մեքենա, որոնցից 60-ը արտադրվել է Արևմուտքի կողմից։ Մնացած 140 տանկերը վերանորոգված են և, ինչպես նշվում է, դրանք խորհրդային ժամանակներից են:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
