ՌԴ ԱԳՆ արձագանքը՝ Հայաստանում ադրբեջանցի դիվերսանտների կալանավորմանը

Հայաստանում կալանավորված ադրբեջանցի զինծառայողներ Ագշին Բաբիրովի և Հուսեյն Ախունդովի նկատմամբ հարուցված քրեական գործը պետք է համապատասխանի միջազգային իրավունքի նորմերին: Այս մասին հայտարարել է ՌԴ ԱԳՆ-ն՝ արձագանքելով Հայաստանում ադրբեջանցի դիվերսանտների կալանավորմանը։

«Մենք հուսով ենք, որ Հայաստանի իրավասու մարմինները արդար և արագ քննություն կանցկացնեն այս գործի հանգամանքների վերաբերյալ: Ենթադրում ենք, որ Հայաստանում կալանավորների նկատմամբ վերաբերմունքը կհամապատասխանի միջազգային իրավունքի նորմերին»,- ասված է հայտարարության մեջ։