ՔՊ-ական պատգամավորը բացահայտեց Նիկոլ Փաշինյանի պոպուլիզմը
Վերլուծական
Սյունիքից ընտրված ՔՊ-ական պատգամավոր Դավիթ Դանիելյանը երեկ Շուռնուխ գյուղ այցելությունից հետո հանդես է եկել ուշագրավ գրառմամբ, որտեղ մտահոգություն է հայտնել համայնքի առջև ծառացած մի շարք անվտանգային խնդիրների վերաբերյալ: Բացի այդ, պատգամավորը ոչ ավել, ոչ պակաս թվարկել է այն բոլոր խնդիրները, որոնց այսօր բախվում են շուռնուխցիները: Դրանց թվում են, մասնավորապես, այն, որ տարհանված ընտանիքների համար տների կառուցապատման աշխատանքները չեն ավարտվել սահմանված ժամկետներում: Դեռ տները պատրաստ չեն: Առկա է էլեկտրաէներգիայի մատակարարման խնդիր, արոտավայրերի բացակայության խնդիր, ջրամատակարարման խնդիր:
Գրառման վերջում պատգամավորը շեշտել է, որ նշված բոլոր խնդիրների լուծման ուղղությամբ աշխատանք է իրականացնելու գործադիրի իր գործընկերների հետ: Սակայն, չի մոռացել նաև շեշտել, որ այդ խնդիրների մեծ մասը գտնվում է համայնքային իշխանությունների լիազորությունների տիրույթում: Այստեղ երկու հարց է առաջանում՝ եթե համայնքային իշխանությունները չեն կատարել իրենց առջև դրված խնդիրները, ապա ինչու դեռևս որևէ պատկան կառույց չի իրականացրել ստուգում առ այն, թե ինչպես են ծախսվել կառավարության կողմից այդ խնդիրների լուծման նպատակով հատկացված գումարները: Եվ երկրորդ հարցը՝ եթե այդ խնդիրների լուծումը համայնքային իշխանությունների տիրույթում է, ապա ինչի վրա է աշխատելու Դանիելյանը գործադիրի իր գործընկերների հետ:
Տպավորություն է ստեղծվում, որ պատգամավորը կամա թե ակամա բացահայտել է կառավարության պարապուրդի մատնված լինելու հանգամանքը և Նիկոլ Փաշինյանի պոպուլիզմը: Որովհետև նոր տների կառուցումը համայնքի հարցը չէ, այլ՝ կառավարության: Կամ` արոտավայրերի բացակայության պատճառն այն է, որ նոյեմբերի 9-ի հայտարարությունից հետո բանավոր պայմանավորվածությամբ զորքերը հետ քաշեցին Կովսականից եւ Սանասարից՝ Սյունիքը դարձնելով սահմանամերձ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
