Մոլդովան արգելել է Պուտինի մուտքը երկիր

Մոլդովայի վարչապետ Դորին Ռեչենը TV8-ին տված հարցազրույցում ասել է, որ ՌԴ նախագահ Վլադիմիր Պուտինին արգելվել է մուտք գործել երկիր։

Ռեչանը ասել է, որ Մոլդովայում կա Ռուսաստանի քաղաքացիների «սև ցուցակ», որոնք չեն կարողանա մուտք գործել երկիր։ Միաժամանակ, վարչապետը մանրամասնել է, որ որոշ պաշտոնյաներ իմանում են, որ դրանում ընդգրկված են միայն այն ժամանակ, երբ փորձում են մուտք գործել Մոլդովա։

«Ինչ-որ պահի մենք կկազմենք հրապարակային ցուցակ, այս պահին այն մեխանիզմը, որն այսօր գործում է, բավարար է։ Ես չգիտեմ, թե արդյոք անհրաժեշտ է պետական ​​ռեսուրսներ ծախսել հանրային ցուցակ կազմելու վրա», - ասել է Ռեչանը:

Նա հավելել է, որ «ոչ ոք, ով պետք է երկիր չմտներ, չի մտել»։

Ինչպես հայտնի է, Հաագայի միջազգային քրեական դատարանը մարտի 17-ին Պուտինին ձերբակալելու օրդեր է տվել։