Զելենսկին պատմել է` ով է մեծացնում իր երեխաներին

Ուկրաինայի նախագահ Վոլոդիմիր Զելենսկին անկեղծ հարցազրույց է տվել սկանդինավյան լրատվամիջոցներին։ Պետության ղեկավարը խոստովանել է, որ բավարար ժամանակ չունի երեխաների դաստիարակությամբ զբաղվելու համար։ Նա նշել է, որ երեխաներին դաստիարակում են իր կինը և պատերազմը, գրում է korrespondent-ը։

«Անհնար է հավասարակշռություն գտնել: Անհնար է: Ես հիմա լավ նախագահ եմ, ինչպես ասում են: Բայց ես հաստատ հիմա լավագույն հայրը չեմ: Ես բավարար ժամանակ չունեմ երեխաներիս և ընտանիքիս համար: Մի անգամ ինձ հարցրեցին՝ ինչի համար եմ ափսոսում եմ, և ես ուզում էի խոսել դրա մասին, և հետո մտածեցի, որ դա չափազանց անձնական է: Ես ափսոսում եմ, որ ժամանակ չունեմ երեխաներիս համար, և նրանց ես չեմ դաստիարակել: Նրանց մեծացնում են կինս և պատերազմը, և ես ափսոսում եմ, որ չկամ նրանց կյանքում, բայց չեմ ափսոսում, որ այս ժամանակը տրամադրում եմ իմ աշխատանքին, որը կարևոր եմ համարում»,- ասել է Ուկրաինայի նախագահը։

Ինչպես հայտնի է, Զելենսկիներն ունեն երկու երեխա՝ դուստրը՝ Ալեքսանդրան՝ ծնված 2004 թվականին, և որդին՝ Կիրիլը՝ ծնված 2013 թվականին։