ՌԴ խաղաղապահ զորախմբի ջանքերով՝ Ստեփանակերտ է տեղափոխվել 223 տոննա մարդասիրական բեռ. ՌԴ ՊՆ

ՌԴ խաղաղապահ զորախմբի ջանքերով՝ Ստեփանակերտ է տեղափոխվել 223 տոննա մարդասիրական բեռ։ Այս մասին ասվում է ՌԴ ՊՆ մայիսի 2-ի ամփոփիչ հայտագրի մեջ։

«Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։

Երեսուն դիտակետերում ռուս խաղաղապահները շուրջօրյա վերահսկում են իրավիճակը և վերահսկում հրադադարի ռեժիմի պահպանումը։

Մարդակերտի շրջանում արձանագրվել է հրադադարի ռեժիմի մեկ խախտում։ Զոհեր և վիրավորներ չեն եղել։ Ռուսական խաղաղապահ զորախմբի հրամանատարությունը ադրբեջանական և հայկական կողմերի հետ հետաքննություն է անցկացնում այս փաստի առնչությամբ։

Մարտակերտի, Մարտունու և Շուշիի շրջաններում պարեկություն է իրականացվել երեք երթուղիներով։

Ռուսական խաղաղապահ զորամիավորման մեքենաներով Ստեփանակերտ է հասցվել 223 տոննա մարդասիրական բեռ։

«Մենք միասնական ենք» բազմաֆունկցիոնալ հիմնադրամի հետ համատեղ մարդասիրական ակցիա է իրականացվել՝ Ստեփանակերտի դպրոցականներին սննդի փաթեթներ բաժանելու նպատակով։

Ընդհանուր առմամբ, 2020 թվականի նոյեմբերի 23-ից ռուսական խաղաղապահ կոնտինգենտի ինժեներական և սակրավորական խմբերը մաքրել են 2533,6 հեկտար տարածք, 689,5 կմ ճանապարհ, 1940 շենք չպայթած ականներից և արկերից, 26791 պայթուցիկ սարք է հայտնաբերվել։

Ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ»,-ասվում է հայտագրի մեջ։