«ՍեԿտեմբերից» մինչև TikTok. խոստացված գերպրոֆեսիոնալների ԱԺ VS իրականություն

2018 թվականի Թավշյա հեղափոխության օրերին Նիկոլ Փաշինյանը հանրությանը հավաստիացնում էր, որ արտահերթ խորհրդարանական ընտրությունների արդյունքում կազմավորված խորհրդարանը, որտեղ, բնականաբար, ըստ Փաշինյանի, մեծամասնություն էին կազմելու իր թիմակիցները, լինելու է ամենապրոֆեսիոնալը և որակով տարբերվելու է նախորդ խորհրդարաններից:

Անցել է հինգ տարի և այս ընթացքում ՀՀ-ում երկու արտահերթ խորհրդարանական ընտրություններ են տեղի ունեցել: Միևնույն ժամանակ, պետք է փաստենք, որ որակի նշույլ անգամ չի նկատվում հատկապես քաղաքական մեծամասնության գործողություններում: Ներկայացնում ենք ձեր ուշադրությանը տեսաշարք, որտեղ ակնհայտ կերպով դրսևորվում է ողջ դիլետանտությունը, որը առկա է ՔՊ-ական պատգամավորների մոտ:

Պատգամավոր Նարեկ Գրիգորյանի համար «սեպտեմբեր»-ը՝ «սեԿտեմբեր» է.

ՔՊ-ական պատգամավոր Գագիկ Մելքոնյանը, ով ոչ ավել ոչ պակաս, պատրաստվում էր կալանավորել ՀՀ ժամանող ՌԴ նախագահ Վլադիմիր Պուտինին, նիստի ժամանակ զբաղված է հույժ կարևոր գործով՝ խաղ էր խաղում։

Նրանից հետ չէր մնում գործընկերը՝ Նարեկ Ղահրամանյանը։

Պատգամավոր Արփի Դավոյանը ի վիճակի չէ ձևակերպել իր հարցը՝ ուղղված գլխավոր դատախազ Աննա Վարդապետյանին։

Զառա Բաթոյանը ընդհանրապես զբաղված է ՏիկՏոկ նկարելով։

Իսկ որոշ պատգամավորներ, օրինակ՝ Էդգար Հակոբյանը, անգամ իրենց երդման տեքստն են դժվարանում կարդալ։