Սոպրանո Վերոնիկա Ջիոևան ելույթ կունենա Երևանում

 Երեւանում «Երեւանյան հեռանկարներ» միջազգային երաժշտական 24-րդ փառատոնի նախաձեռնությամբ մայիսի 16-ին, ժամը 19:00-ին «Արամ Խաչատրյան» համերգասրահում, Հայաստանի պետական սիմֆոնիկ նվագախմբի նվագակցությամբ (գլխավոր դիրիժոր` Սերգեյ Սմբատյան) ելույթ կունենա մոլորակի լավագույն սոպրանոներից մեկը` Վերոնիկա Ջիոեւան։

 Երեւանում «Երեւանյան հեռանկարներ» միջազգային երաժշտական 24-րդ փառատոնի նախաձեռնությամբ մայիսի 16-ին, ժամը 19:00-ին «Արամ Խաչատրյան» համերգասրահում, Հայաստանի պետական սիմֆոնիկ նվագախմբի նվագակցությամբ (գլխավոր դիրիժոր` Սերգեյ Սմբատյան) ելույթ կունենա մոլորակի լավագույն սոպրանոներից մեկը` Վերոնիկա Ջիոեւան։

Կհնչեն արիաներ հայտնի օպերաներից: Վերոնիկա Ջիոեւան աշխարհի լավագույն սոպրանոներից է, որին քննադատներն անվանում են «օպերային դիվա», «աստվածատուր ձայնով օժտված երգչուհի», ով իր ներդաշնակ եւ խարիզմատիկ երգեցողությամբ պարզապես կախարդում է հանդիսատեսին։ Անզուգական ձայնի եւ արտիստիկության շնորհիվ 2022 թ. Ցյուրիխում բեմադրված Վերդիի «Մակբեթ» օպերայում Լեդի Մակբեթի դերում նրա դեբյուտը երաժշտական քննադատները պարզապես «սենսացիա» են անվանել: Լինելով Ռուսաստանի Մեծ թատրոնի, Մարիինյան եւ Միխայլովսկու թատրոնների հրավիրյալ մեներգչուհի՝ նա ելույթներ է ունենում Վերոնայի ֆիլհարմոնիկ, Մադրիդի թագավորական, Ժնեւի Մեծ եւ Բրյուսելի La Monnaie թատրոնների, Համբուրգի պետական, Ցյուրիխի, Ֆինլանդիայի ազգային եւ այլ օպերաների հետ:

Վերոնիկա Ջիոեւան համագործակցում է նաեւ այնպիսի դիրիժորների հետ, ինչպիսիք են Մարիս Յանսոնսը, Վալերի Գերգիեւը, Թրեւոր Պիննոքը, Ինգո Մեցմախերը, Հարթմուտ Հենչենը, Ռոդիոն Շչեդրինը, Սիմոնե Յանգը, Պիտեր Սելլարսը, Պակո Ազորին եւ ուրիշներ։