Նիկոլ Փաշինյանի ինքնախոստովանությունը և Տիգրան Ավինյանի ֆիասկոն

Չորեքշաբթի օրը խորհրդարանում տեղի ունեցած հարց-պատասխանի ընթացքում վարչապետ Նիկոլ Փաշինյանը հանդես եկավ ուշագրավ ինքնախոստովանությամբ: Խոսելով Նեմեսիս հուշակոթողի բացման և դրան հետևած պաշտոնական Անկարայի արձագանքից՝ Փաշինյանը նկատեց, որ իրենք, ասել է թե իշխանությունները, արձանի բացմանը որոշումը կայացրել էին կապիտուլյացիայից հետո ազգային ոգին բարձրացնելու և այն բանի համար, որպեսզի իրենց հանրությունը չանվանի դավաճան: Այսինքն՝ ստացվում է, որ եթե Նիկոլ Փաշինյանի և թիմակիցների առջև խնդիր դրված չլիներ ազգային կառավարության իմիտիացիա անել, և եթե նրանք մտավախություն չունանային, որ իրենց դավաճան կանվանեն, ապա նրանք ձեռնամուխ էլ չէին լինի տվյալ արձանի կառուցմանը:

Ակնհայտ է, որ Փաշինյանի կառավարության վարած ներքին և արտաքին անհասկանալի և շատ հաճախ անարդյունավետ և հակառակորդների ջրաղացին ջուր լցնող քաղաքականության ֆոնին ազգային երևալու այս օպերացիան ևս հեղափոխականները տապալեցին: Մի կողմից առկա է թուրքական կողմի դժգոհությունը, որի հետ Փաշինյանի կառավարությունը որդեգրել էր հարաբերությունները կարգավորելու ուղեգիծը: Այդ դժգոհությունը արտահայտվեց Թուրքիայի ԱԳՆ ղեկավար Մեվլութ Չաղուշօղլուի տված հարցազրույցում, որտեղ վերջինս հայտարարեց, թե ավելի կոշտ քայլերի են պատրաստվում գնալ, եթե տվյալ հուշակոթողը չապամոնտաժվի: Հիշեցնենք, որ Չավուշօղլուի այս հայտարարությանը նախորդել էր Անկարայի կողմից հայկական օդանավերի համար իր օդային տարածքը փակելու որոշումը: 

Ինչ վերաբերվում է ներքին լսարանին, որի առջև իշխանությունները փաստացի փորձում էին «ազգային իշխանության» դեր խաղալ, ապա այստեղ էլ արձանագրվեց կոշտ ձախողում: Հուշակոթողի բացման արարողությանը ներկա էր Երևանի փոխքաղաքապետ և ՔՊ քաղաքապետի թեկնածու Տիգրան Ավինյանը,  ով փորձում էր այս առիթը ևս օգտագործել իր՝ ժամանակից շուտ մեկնարկած նախընտրական արշավում քաղաքական դիվիդենտներ հավաքելու նպատակով, սակայն ստացվեց հակառակ էֆեկտը: Նրա ելույթի ժամանակ հավաքված քաղաքացիներն սկսեցին բացականչել «դավաճան, դավաճան» և սուլել:

Փաստացի, ԱԺ ամբիոնից Փաշինյանի հնչեցրած ինքնախոստովանությունը և Ավինյանի ֆիասկոն բացահայտեցին քաղաքական մեծամասնության իրական մոտիվացիան Նեմեսիս հուշակոթողի բացման թույլտվությունը տալու հարցում և այժմ Փաշինյանի և թիմակիցների առջև լուրջ երկընտրանք է կանգնած՝ շարունակել ազգային իշխանության դեր խաղալ, թե հանել «ազգային դիմակները» և գնալ առավել կտրուկ և ոչ պոպուլյար քայլերի:

Այս թեմայով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան «Շատ մեծ իրադարձություն է». Տիգրան Մանսուրյանը մասնակցում է Մայր Տաճարի վերաօծման արարողությանը. (տեսանյութ). News.am Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) «Ոչ էսօր ու ոչ ոտքի վրա». Տիգրան Ավինյանը կնոջ հետ ժամանեց Էջմիածին՝ մասնակցելու Տաճարի վերաօծմանը. տեսանյութ