Ադրբեջանի և Ռուսաստանի ԱԽ-ները քննարկել են տեղեկատվական անվտանգության ոլորտում համագործակցությունը

Ադրբեջանի և Ռուսաստանի Անվտանգության խորհուրդները Բաքվում քննարկել են տեղեկատվական անվտանգության ոլորտում համագործակցությունը։ Այս մասին հայտնում է Sputnik Ադրբեջանը։

Հանդիպման մասնակիցները հաստատել են ռուսական և ադրբեջանական մոտեցումների սերտությունը տեղեկատվական ոլորտում սպառնացող վտանգների նկատմամբ՝ հիմնված ՄԱԿ-ի կանոնադրության սկզբունքների վրա։

Խորհրդակցությունների արդյունքում համաձայնեցրել են 2023-2025 թվականների միջազգային տեղեկատվական անվտանգության ապահովման ոլորտում համագործակցության հիմնական ոլորտների իրականացման ծրագրի նախագիծը։