Իսրայելը ցանկանում է ԱՄՆ-ի օգնությամբ վերականգնել հարաբերությունները Սաուդյան Արաբիայի հետ

Իսրայելը ցանկանում է Սաուդյան Արաբիայի հետ հարաբերությունները վերականգնելու փորձ կատարել ԱՄՆ ազգային անվտանգության հարցերով խորհրդական Ջեյք Սալիվանի այցի ժամանակ։ Մայիսի 5-ին անվտանգության բարձրաստիճան պաշտոնյան Reuters-ին տված հարցազրույցում խոսել է Իսրայելի իշխանությունների ծրագրերի մասին։

Լրագրողները գրում են, որ չորեքշաբթի օրը Իսրայելի Ազգային անվտանգության խորհրդի ղեկավար Ցաչի Խանեգբին զրուցել է իր ամերիկացի գործընկերոջ հետ։ Մայիսի 6-ին Սալիվանը նախատեսում է այցելել Սաուդյան Արաբիա։ Սպասվում է, որ նա կհանդիպի գահաժառանգ արքայազն Մուհամմեդ բին Սալմանի հետ։

Այս շաբաթվա սկզբին Սալիվանը հայտարարեց իր այցի մասին և պարզաբանեց, որ Վաշինգտոնը քրտնաջան աշխատում է Իսրայելի և Սաուդյան Արաբիայի միջև հարաբերությունները կարգավորելու ուղղությամբ։

«Մենք իսկապես, իսկապես հուսով ենք, որ նրա այցի ընթացքում բեկում կլինի», - ասել է Խանեգբին Reshet 13 News-ին տված հարցազրույցում: