Հայտնի են Արցախի պատմությունից օլիմպիադայի և հրաձգության մրցույթի արդյունքները

Ամփոփվել են «Զորաց ակումբ» հասարակական կազմակերպության նախաձեռնությամբ կազմակերպված՝ Արցախի պատմությունից օլիմպիադայի և հրաձգության մրցույթի արդյունքները։

«Արցախպրես»-ի թղթակցի հաղորդմամբ՝ մասնակցում էր Հանրապետության հանրակրթական դպրոցների 7-12-րդ դասարանների 50 աշակերտ։

«Մրցանակային 1-ին տեղն է գրավել Հաթերքի միջնակարգ դպրոցի աշակերտ Ժորա Հարությունյանը, իսկ երկրորդից և հինգերորդ հորիզոնականները զբաղեցրել են համապատասխանաբար՝ Շուշիի Խ. Աբովյանի անվան դպրոցից Յուրի Դանիելյանը, Նորագյուղի կրթօջախից Ավագ Ավագյանը, մայրաքաղաքի 11-րդ ավագ դպրոցից Սլավա Սեյրանյանը, Ֆիզմաթ դպրոցից Արման Մկրտչյանը»,-հայտնել է «Զորաց ակումբ» ՀԿ նախագահ Դավիթ Օհանջանյանը։