Թրամփին մեղավոր են ճանաչել լրագրողի բռնաբարության փորձի գործով

ԱՄՆ-ի դատարանը նախկին նախագահ Դոնալդ Թրամփին մեղավոր է ճանաչել լրագրող և գրող Ջին Քերոլի նկատմամբ բռնաբարության փորձի գործով, հայտնում է CNN-ը։

Դատարանը Թրամփին պարտավորեցրել է 2 միլիոն դոլարի փոխհատուցում վճարել ոտնձգությունների համար՝ որպես քաղաքացիական հայցի կարգավորման մաս: Բացի այդ, Թրամփին պարտավորեցրել են ևս 3 միլիոն դոլար վճարել հայցվորին զրպարտելու և նրա հեղինակությանը վնաս պատճառելու համար։

Քերոլի գործով դատական ​​լսումները սկսվել են այս տարվա ապրիլի վերջին՝ Թրամփի նախընտրական քարոզարշավի ֆոնին, որն արդեն հայտարարել է 2024 թվականին երկրորդ նախագահական ժամկետի համար առաջադրվելու իր մտադրության մասին։ Ինքը՝ Թրամփը, բազմիցս հայտարարել է, որ իր դեմ նման հայցերը քաղաքական խարդախություն են։

Քերոլը 2019 թվականին մեղադրել է Թրամփին 1990-ականներին իրեն բռնաբարելու փորձի մեջ։ Ինքը՝ Թրամփը, կտրականապես հերքել է մեղադրանքները"