Իրարից «բեխաբարները»...

Երևանի նախկին քաղաքապետ, այժմ վարչապետ Նիկոլ Փաշինյանի խորհրդականի պաշտոնը զբաղեցնող Հրաչյա Սարգսյանը այսօր երկար լռությունից հետո անկեղծացել է և ոչ ավել, ոչ պակաս հայտարարել, որ Նեմեսիս հուշակոթողի կառուցման թույլտվությունը ինքն է տվել և նախապես այդ մասին Նիկոլ Փաշինյանին տեղյակ չի պահել: Նիկոլ Փաշինյանն էլ իր հերթին օրեր առաջ էր ԱԺ-ում հայտարարում, որ ինքը տեղյակ չի եղել արձանի կառուցման մասին, իսկ ընդհանրապես գտնում է, որ հուշակոթողը որևէ դրական բան Հայաստանին չի տվել:

Ստացվում է, որ քաղաքապետի պաշտոնը զբաղեցնող Սարգսյանը և վարչապետ Փաշինյանը իրարից բեխաբար էին, ինչը իրականում զարմանալի էլ չէ՝ հաշվի առնելով այն տոտալ քաոսը, որը տիրում է Հայաստանի պետական կառավարման համակարգում, որտեղ ինչպես են ասում են ժողովրդական լեզվով՝ շունը տիրոջը չի ճանաչում:

Արդյունքում՝ Փաշինյանը կանգնել է լրջագույն տուպիկի առջև, դեռ մի բան էլ պատռվել է այս իշխանությունների կողմից ազգային խաղալու դիմակը:  Ու թեև Սարգսյանը իրավացիորեն պնդում է, որ Թուրքիան չպետք է խառնվի ՀՀ ներքին գործերին, տպավորություն է, որ Հայաստանի իշխանության տարբեր ներկայացուցիչներ էլ այդ ներքին գործերից մեծամասամբ անտեղյակ են...