Անահիտ Ավանեսյանը «քցում» է հարազատ կուսակցությանը
Վերլուծական
ՀՀ կառավարությունը փոփոխություններ է առաջարկում «Բնակչության բժշկական օգնության և սպասարկման մասին», «Լիցենզավորման մասին» ու մի շարք հարակից օրենքներում։ Օրինագծերի փաթեթը կառավարության նիստում ներկայացրել էր առողջապահության նախարար Անահիտ Ավանեսյանը։ Նրա խոսքով` մասնավորապես առաջարկվում է ներդնել բուժաշխատողների անհատական լիցենզավորման համակարգ: Ավելորդ է նշել, որ այս փոփոխությունը մի քանի անգամ թանկացնելու է բժշկական ծառայությունների՝ առանց այդ էլ բավական թանկ գինը:
Հետաքրքիր է՝ իսկ Անահիտ Ավանեսյանը հիշո՞ւմ է, որ իր հարազատ ՔՊ նախընտրական ծրագրերում և կառավարության ծրագրերում հանրությանը իշխող քաղաքական ուժը խոստանում էր միանգամայն հակառակ փոփոխությունները: Այն է, որ բժշկական ծառայությունները պետք է դառնան մատչելի հասարակության բոլոր սեգմենտների համար: Դիցուք՝ ՔՊ 2021 թվականի նախընտրական ծրագրում սևով սպիտակի վրա գրված է հետևյալ խոստումը՝ «մինչև 2023 թվականը ներդնելու ենք առողջության համապարփակ ապահովագրության համակարգը և ապահովելու ենք հիմնական ծառայությունների հասանելիությունը Հայաստանի Հանրապետության բոլոր քաղաքացիների համար: Հասանելի ենք դարձնելու արտահիվանդանոցային դեղորայքի, ինչպես նաև հատուկ և դժվարամատչելի ախտորոշիչ հետազոտությունների փաթեթ։ Ընդգրկելու ենք պարտադիր բժշկական զննումների փաթեթներ ռիսկային տարբեր խմբերի համար: Ներդնելու ենք բժշկական օգնության որակի վերահսկման գործուն մեխանիզմներ ապահովագրական համակարգի արդյունավետ կիրարկման համար։ Արդյունքում առողջապահական ծառայություններ ստանալու պահին քաղաքացին գրպանից այնպիսի ծախսեր չի իրականացնելու, որոնք աղետալի են և հանգեցնում են աղքատացման»:
Փաստորեն, Անահիտ Ավանեսյանն իր այս հերթական նախագծով պարզապես քցում է հարազատ կուսակցությանը, քանի որ ստացում է, որ թե՛ նախընտրական, թե՛ կառավարության ծրագրերը իրենցից որևէ արժեք չեն ներկայացնում և դրանք կարող է խախտել յուրաքանչյուր պաշտոնյա՝ սեփական օրակարգը առաջ բերելով:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
