Բաժակաճառի և պոպուլիզմի հակառակ կողմը

Այսօր ԱԺ-ում ՔՊ-ական պատգամավորներ Գևորգ Պապոյանը և Բաբկեն Թունյանը, մեկը մյուսին հերթ չզիջելով, փորձում էին համոզել, որ հայ-թուրքական սահմանի բացումը որևէ ապոկալիպտիկ հետևանք չի ունենալու, հակառակը՝ սահմանների բացումը նոր զարկ է տալու տնտեսության զարգացմանը, նոր աշխատատեղեր են ստեղծվելու, մարդիկ էլ սկսելու են ավելի լավ ապրել: 

Ընդհանրապես, ցանկացած նման հայտարարություն պետք է համեմված լիներ վստահություն ներշնչող թվերով, վերլուծություններով որոնք կապացուցեին վերը նշված խոսքերի իսկությունը: Մինչդեռ ՔՊ-ական պատգամավորները մինչ այս պահը չեն բերել գեթ մեկ լուրջ հետազոտություն՝ ի հիմնավորումն իրենց գեղեցիկ բաժակաճառերի: Փոխարենը՝ առկա են բազմաթիվ վերլուծություններ, որոնք խոսում են այն մասին, որ հայ-թուրքական սահմանի բացումը հանգեցնելու է հայ արտադրողի շահերի լրջագույն ոտնահարման և, ընդհանրապես, Հայաստանի տնտեսության կլանմանը: Շատերի կարծիքով՝ այդ սցենարի իրականացման դեպքում Հայաստանի տնտեսությանը սպառնում է այսպես կոչված բաթումիզացիա: Ինքը՝ Գևորգ Պապոյանը, ընդունում է, որ հարյուրապատիկ անգամ ուժեղ հարևանի հետ չպետք է թշնամություն անել: Իսկ կա՞ երաշխիք, որ այդ հարյուրապատիկ անգամ ուժեղ և հատկապես տնտեսապես ուժեղ հարևանը չի կլանի քո թույլ և արտաքին վարկերով գոյատևող տնտեսությունը: Իհարկե, չկա: Արդյունքում հերթական անգամ գործ ունենք գեղեցիկ բաժակաճառերի և դասական պոպուլիզմի հետ...

Այս թեմայով «Հրապարակ». Ինչպե՞ս կդասավորվի Փարսյանի ճակատագիրը Ես լավ եմ գնահատում. Գևորգ Պապոյանը՝ Գրիգոր Մինասյանի աշխատանքի մասին «Էրդողանի հետ հանդիպումից Փաշինյանին ինչն էր ուրախացրել», «Վարչապետը խաղաղության համար է քայլ անում»․ Պապոյան (տեսանյութ) Փաշինյանն Էրդողանի հետ հո դեմքի նամռոտ արտահայտությամբ չէ՞ր հանդիպելու, բովանդակությունն է կարևոր. Թունյան (տեսանյութ) Եկեղեցու դեմ ելած քաղաքական ուժերին սպասվում է իրենց իսկ որդեգրած ճակատագիրը․ Գևորգ Դանիելյան