Արդյո՞ք Լենա Նազարյանը «հանցագործ» կանվանի նաև Նիկոլ Փաշինյանին

Կառավարության նիստի ժամանակ վարչապետ Նիկոլ Փաշինյանը հայտարարել է, որ պետությունը պետք է մաքսիմալ օգուտ ստանա հանքաարդյունաբերությունից: Ուշագրավ է, որ ժամանակին Նիկոլ Փաշինյանը տրամագծորեն այլ կարծիք էր արտահայտում, սակայն այսօր խոսքը ոչ թե Փաշինյանի, այլ վերջինիս թիմակիցների մասին է:

Դիցուք՝ Փաշինյանի թիմակից Լենա Նազարյանը, զբաղեցնելով իշխանական պատգամավորի աթոռը, մոռացել է այն մասին, որ ժամանակին ինքն էլ էր պայքարում՝ Ամուլսարը հանք չդարձնելու համար, մասնակցում մի շարք ակցիաների, օրինակ՝ «Թեղուտ. Հանք, թե կյանք» ակցիաների, իսկ այժմ դրա վերաբերյալ այդպես էլ հստակ դիրքորոշում չհայտնեց, այնինչ նախկինում ասում էր, որ կապիտալը մնում է հանքատիրոջը, իսկ գյուղացիները՝ ճորտեր են՝ ծառահատներ ու հանքավորներ։ 

Կարո՞ղ ենք չէ փաստել, որ Լենա Նազարյանը նման քաղաքականությունը համարում էր թալան և հանցագործություն սեփական ժողովրդի ապագայի դեմ, այն պատճառով, որ բնությունը և մարդկանց առողջությունը ստորադասվում էր փողին: Հարց է առաջանում` իսկ այժմ Լենա Նազարյանը Նիկոլ Փաշինյանին հանցագործության մեջ կմեղադրի՞, թե ոչ...