Գերմանիայում Mercedes-Benz-ի գործարանում հրաձգություն է եղել. կա զոհ

Գերմանիայի Սինդելֆինգենում գտնվող Mercedes-Benz ավտոարտադրողի գործարանում հրաձգություն է տեղի ունեցել։ Այս մասին հայտնում է Bild-ը՝ տեղական ոստիկանության ներկայացուցչին հղումով։

Հրատարակության տվյալներով՝ կրակոցների հետևանքով մեկ մարդ մահացել է, ևս մեկը վիրավորվել է։ «Դրդապատճառներն անհայտ են, կրակ արձակողը կալանավորվել է»,- հայտնել են գերմանացի իրավապահները։ Միջադեպի այլ մանրամասներ չեն հաղորդվում։