Դեսպա՞ն, թե՞ Փաշինյանի խոսնակ. ինչով է զբաղված Էդմոն Մարուքյանը

Այն պահից ի վեր ինչ Էդմոն Մարուքյանը Նիկոլ Փաշինյանի առաջարկով ստանձնեց հատուկ հանձնարարություններով դեսպանի պաշտոնը նրա մասին լսում ենք միայն սահմանային լարումների ֆոնին, երբ վերջինս հանդես է գալիս ադրբեջանական կողմին դատապարտող, Փաշինյանի կառավարության տեսակետը պաշտպանող գրառումներով: Եվ, իհարկե, չի մոռանում կոչ հղել միջազգային հանրությանը, որովհետև, ըստ էության, Փաշինյանի կառավարության միակ հույսն էլ վերը նշված ամորֆ հանրությունն է:

Մարուքյանի էպիզոդիկ ակտիվությունը հաշվի առնելով տրամաբանական հարց է առաջանում՝ ի վերջո նա Նիկոլ Փաշինյանի մոտ հատուկ հանձնարարություններով դեսպա՞ն է աշխատում, թե խոսնակ: Ի՞նչ կարիք կա ֆեյսբուքյան կամ թվիթերյան գրառումներ ձոնել, որոնցում բառացիորեն կրկնվում է Նիկոլ Փաշինյանի օրեր կամ շաբաթներ առաջ ասված շեշտադրումները: Ի դեպ, Մարուքյանը այնքան է տարվել, որ մոռացել է անգամ սեփական կուսակցության՝ Լուսավոր Հայաստանի նախընտրական ծրագրում ամրագրված դրույթները, որտեղ, օրինակ, կարևորվում էր Արցախի ինքնորոշման իրավունքի իրացման անհրաժեշտությանը: Այժմ Արցախի ինքնորոշման իրավունքի իրացման պահանջը Հայաստանի կողմից Էդմոն Մարուքյանը համարում է Ադրբեջանի նկատմամբ տարածքային պահանջ ներկայացնելու միտված գործընթաց: Այսինքն՝ կրկնում է Նիկոլ Փաշինյանը մտքերը:

Ի դեպ, Փաշինյանի խոսնակի հաստիքը մինչ այս պահը թափուր է, մնում է ենթադրել, որ քանի կա Էդմոն Մարուքյանը՝ Փաշինյանը խոսնակի կարիք չի էլ զգալու: