Երկիր. «Հարցերի «Ժառանգության» չափաբաժինը»

«...«Երկիր»–ի այն հարցին, թե ինչ է կատարվում «Ժառանգության» հետ, ինչու կուսակցության գործիչները չեն պատասխանում ՀԱԿ–ի վերաբերյալ հարցերին, մասնավորապես՝ հավանական համագործակցությանը, մամուլի խոսնակն իբր պատասխան տվեց (Lurer.com` Խոսքը հոկտեմբերի 14-ին «Ժառանգության» մամուլի խոսնակ Հովսեփ Խուրշուդյանի տված մամլո ասուլիսի մասին է)։ Պարզվում է, մի կողմից «այդ հարցերն այնքան շատ են», մյուս կողմից էլ՝ «կուսակցությունը չի կարծում, թե դրանք համարժեք են այսօրվա քաղաքական իրավիճակին, ու չեն պատասխանում»։ Նման արդարացում կարելի էր սպասել կուսակցության ցանկացած քաղաքական գործչից, բայց ոչ երբեք մամուլի խոսնակից, այն խոսնակից, որը պարզապես պարտավոր է պատասխանել հասարակության և ԶԼՄ–ների հետաքրքրասիրությունը «Ժառանգության» հետ առնչություն ունեցող ցանկացած հարցի։ «Մենք պատասխանում ենք այն չափաբաժնով, որը, կարծում ենք, որ համարժեք է հասարակությանը»,– պարզաբանեց խոսնակը»,– գրում է «Երկիրը»։