Հովհաննես Հարությունյանը յուրովի է ընկալել Նիկոլ Փաշինյանի կոչ-հորդորը

Երեկ կառավարության նիստի ընթացքում վարչապետ Նիկոլ Փաշինյանը հայտարարեց, որ պետք է անել ամեն բան, որպեսզի հանքաարդյունաբերությունը ավելի շատ գումար բերի բյուջե: Այսօր էլ հայտնի դարձավ, որ «ՀՀ ընդերքի մասին օրենսգրքում լրացումներ կատարելու մասին» եւ «Վարչական իրավախախտումների վերաբերյալ օրենսգրքում լրացում կատարելու մասին» նախագծերի փաթեթով առաջարկվում է սահմանել գետերի հունի արգելապատնեշների կառուցման նպատակով օգտակար հանածոյի հանույթի միանգամյա թույլտվության տրամադրման ընթացակարգ: Նախատեսվում է նաեւ սահմանել սահմանային գետերի գետաողողատներից ավազ արդյունահանող կազմակերպությունների կողմից գետի հունից արդյունահանման դեպքերի հայտնաբերման գործիքակազմ` իրավախախտում կատարած անձանց հայտնաբերելու նպատակով, որը հիմնականում պայմանավորված է Արաքս գետի շուրջ ստեղծված հիմնախնդիրների լուծման անհրաժեշտությամբ: Ըստ ՀՀ տարածքային կառավարման եւ ենթակառուցվածքների նախարարի տեղակալ Հովհաննես Հարությունյանի` առաջին ընթերցումից հետո Կառավարության ներկայացրած առաջարկությունների հիման վրա օրենսդրական փաթեթը լրամշակվել է:

Ինչպես երևում է՝ փոխնախարար Հարությունյանը սխալ կամ յուրովի է հասկացել Նիկոլ Փաշինյանի կոչ-հորդորը և որոշել է բյուջեն լցնել ամենակարճ ճանապարհով՝ հանքաարդյունաբերության ոլորտում աշխատող ընկերություններին տուգանելով: Անշուշտ, բնության մասին պետք է մտածել և մի կողմից, իհարկե, գովելի է, որ նախարարությունն առաջարկում է պատժել այն ընկերություններին, որոնք իրենց գործողություններով կվնասեն շրջակա միջավայրին: Սակայն, հաշվի առնելով Հայաստանում ստեղծված կամայականության մթնոլորտը, կա՞ արդյոք երաշխիք, որ ընկերությունները կպատժվեն իրապես կատարած օրինախախտման համար և ոչ պարզապես՝ բյուջեն լցնելու...