Էրդողանը պատասխանել է Քըլըչդարօղլուի՝ Թուրքիայում ընտրություններին ՌԴ-ի միջամտության մասին խոսքերին
Ռուսաստան
Թուրքիայի նախագահ Ռեջեփ Թայիփ Էրդողանը պատասխանել է Ժողովրդահանրապետական կուսակցության առաջնորդ Քեմալ Քըլըչդարօղլուին, ով ավելի վաղ Ռուսաստանին մեղադրել էր երկրի ընտրություններին միջամտելու մեջ։ Նա ասել է, որ իր հակառակորդը պետք է ամաչի այս հայտարարության համար, գրում է թուրքական Sabah թերթը։
«Ի՞նչ կպատասխանեք, եթե ասեմ, որ ԱՄՆ-ը, Ֆրանսիան, Գերմանիան, Մեծ Բրիտանիան միջամտում են Թուրքիայի ընտրություններին», – դիմել է Թուրքիայի ղեկավարը Քըլըչդարօղլուին։
Ավելի վաղ ընդդիմության առաջնորդը մեղադրել էր Ռուսաստանին դավադրության մեջ և հորդորել ձեռքերը հեռու պահել թուրքական պետությունից։ Քաղաքական գործչի հայտարարությունն արվել է տեսանյութի հայտնվելուց հետո, որտեղ երեւում է, թե ինչպես է քուրդ զինյալների առաջնորդը կոչ անում քվեարկել Քըլըչդարօղլուի օգտին։ Նրա խոսքով՝ տեսանյութը ռուսական կողմի ստեղծած մոնտաժ է։
Ռուսաստանի Դաշնության նախագահի մամուլի քարտուղար Դմիտրի Պեսկովը հերքել է այս մեղադրանքները։ Նա վստահեցրել է, որ Թուրքիայի ընտրություններին ռուսական միջամտության մասին խոսք լինել չի կարող, և նման լուրեր են տարածվել ստախոսների կողմից։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
