Ուկրաինայի հակահարձակումը «հող կնախապատրաստի» Ռուսաստանի հետ բանակցությունների համար. WSJ

Կիևի կողմից հնարավոր հակահարձակումը կարող է «հող նախապատրաստել» մինչև տարեվերջ Ռուսաստանի և Ուկրաինայի միջև խաղաղ բանակցությունների համար, ընդ որում՝ բանակցությունների միջնորդներից մեկը կարող է Չինաստանը, կարծում են որոշ արևմտյան երկրներ, գրում է The Wall Street Journal-ը։

Ըստ պարբերականի՝ այս մոտեցումը հիմնված է այն բանի վրա, որ կողմերից ոչ մեկը չի կարող անվերջ ռազմական գործողություններ վարել, սակայն որոշ արևմտյան երկրներ ցանկանում են ստուգել Չինաստանի՝ միջնորդի դերը, ինչը վկայում է այս հարցում Պեկինի նկատմամբ Արևմուտքի վերաբերմունքի փոփոխության մասին։

Թերթի տվյալներով՝ ԱՄՆ Ազգային անվտանգության խորհրդի առանցքային ներկայացուցիչները կողմ են Կիևի և Մոսկվայի միջև բանակցություններին։ Միևնույն ժամանակ, Պետդեպարտամենտը թերահավատորեն է վերաբերում այս գաղափարին և ցանկանում է դիտարկել ուկրաինական հնարավոր հակահարձակման արդյունքը՝ նախքան որևէ դիվանագիտական ​​քայլ ձեռնարկելը:

Հրատարակությունը նշում է նաև, որ տրամադրությունների նման փոփոխություն տեղի է ունենում արևմտյան երկրների լուրջ անհանգստության ֆոնին, որ ապագայում նրանք չեն կարողանա պահպանել Կիևին ռազմական օգնության անհրաժեշտ մակարդակը։