Պեսկովը կտրականապես հերքել է ընտրություններին ռուսական միջամտության վերաբերյալ թուրքական ընդդիմության մեղադրանքները

Ռուսաստանը կտրականապես հերքում է թուրքական ընդդիմության մեղադրանքները՝ այս երկրում նախագահական ընտրություններին միջամտելու վերաբերյալ, «դա բացառվում է», - շաբաթ օրը ՏԱՍՍ-ին ասել է ՌԴ նախագահի խոսնակ Դմիտրի Պեսկովը՝ ընդգծելով, որ Ռուսաստանը հարգանքով է վերաբերվում թուրք ժողովրդի ընտրությանը։

ՏԱՍՍ-ի հետ զրույցում մեկնաբանելով Թուրքիայի ընդդիմադիր Ժողովրդահանրապետական ​​կուսակցության նախագահ Քեմալ Քըլըչդարօղլուի հայտարարությունը Թուրքիայի նախագահական ընտրություններին ենթադրյալ միջամտության մասին՝ Կրեմլի ներկայացուցիչը համաձայնել է, որ պարոն Քըլըչդարօղլուի այս «հայտարարությունը մեծ աղմուկ է բարձրացրել Թուրքիայում». «Մենք անմիջապես հայտարարեցինք, որ կտրականապես հերքում ենք Թուրքիայի ընտրություններին միջամտելու մեղադրանքները, դա բացառվում է»,- ասել է ՌԴ նախագահի մամուլի քարտուղարը։

«Ընդդիմության առաջնորդն ասաց, որ ունի [ռուսական միջամտության] ապացույցներ։ Նա դեռ չի ներկայացրել դրանք։ Մենք վստահ ենք, որ նա չի կարողանա դա անել, քանի որ դրանք իրականում գոյություն չունեն», - ասել է Պեսկովը։

«Ընդհանուր առմամբ, մենք չափազանց հիասթափված ենք Թուրքիայի ընդդիմության այս հայտարարությունից»,- ասել է Կրեմլի խոսնակը։ Նա ուշադրություն է հրավիրել այն փաստի վրա, որ հենց ընդդիմադիր կուսակցությունն է իրեն անվանում Աթաթուրքի անմիջական հետևորդներ։ «Հարկ է հիշեցնել, որ հենց Թուրքիայի Հանրապետության հիմնադիրը և ժամանակակից Թուրքիայի արտաքին քաղաքական հայացքների ճարտարապետ Աթաթուրքն էր ռուս-թուրքական հարաբերությունների զարգացման հավատարիմ ջատագովը, հենց Աթաթուրքի օրոք է դրվել է մեր բարեկամության և բարիդրացիական հարաբերությունների հիմքը»,- հայտարարել է Պեսկովը։ «Պարոն Քըլըչդարօղլուի նշված հայտարարությունը ակնհայտորեն հակասում է Աթաթուրքի այս տեսլականին»,- ընդգծել է նա։