Արմեն Գրիգորյանը «պոդստավկա՞» է անում Փաշինյանին

ՀՀ Անվտանգության խորհրդի քարտուղար Արմեն Գրիգորյանը հարցազրույց է տվել Новая Газета-ին, որում, ի թիվս այլնի, անդրադարձել է Հայաստանի և ՀԱՊԿ-ի փոխհարաբերություններին՝ չժխտելով, որ կազմակերպությունից դուրս գալու քննարկումներ եղել են:

«ՀԱՊԿ-ից ակնկալում էինք, որ այն կգործի անցյալ տարվա սեպտեմբերին՝ հայկական տարածքում Ադրբեջանի ուղղակի ագրեսիայի ժամանակ։ Այն չգործեց», -ասել է ԱԽՔ-ը։

Լրագրողի ճշտող հարցին, թե արդյոք խոսք է եղել ՀԱՊԿ-ից դուրս գալու մասին, Արմեն Գրիգորյանը պատասխանել է.

«Ճիշտն ասած, այո, նման քննարկումներ եղել են, սա բնական արձագանք է»

Այս պատմության մեջ ուշագրավն այն է, որ  վարչապետ Նիկոլ Փաշինյանը և ընդհանրապես ՔՊ քաղաքական թևը միանգամայն այլ հայտարարություններ էին անում: Դիցուք՝ ինքը՝ Փաշինյանը, բազմիցս հայտարարել է, որ Հայաստանը որևէ նպատակ և միտք չունի դուրս գալ ՀԱՊԿ-ից և հայկական կողմի մտահոգությունն այն է, որ այդ ՀԱՊԿ-ն է ցանկանում լքել Հայաստանը:

Ինչ՞ է ստացվում, իր պրո-արևմտյան հայացքներով և դիրքորոշմամբ հայտնի Արմեն Գրիգորյանը նման հայտարարություն և անկեղծացում անելով «պադստավկա՞» է անում իր քաղաքական թիմի լիդերին, թե՞, պարզապես, հերթական անգամ գործ ունենք՝ ակամայից մեկը մյուսի սուտը բացահայտելու և ջրի երես հանելու հետ: Այդ դեպքում էլ, անշուշտ, հարց է առաջանում, թե երկու պաշտոնյաներից ո՞վ է ստում հանրությանը...