Կանեփը «կռվախնձոր» է դարձել ՔՊ-ականների միջև

Այսօր բավական թեժ ընթացք արձանագրեց ԱԺ տնտեսական հարցերի մշտական հանձնաժողովի նիստը: Եվ դա հասկանալի է, քանի որ քննարկվում էր արտադրական կանեփին վերաբերվող նախագիծը: Քննարկման ընթացքում պարզվեց, որ այս բիզնեսը ոչ միայն խոստացվածի պես եկամտաբեր չէր, այլ մի բան էլ մենաշնորհային նոտաներ ունի, ասել է թե՝ ոլորտում մինչ այս պահը աշխատում են 3-4 ընկերություն և այս ոլորտ մտնելը այնքան էլ հեշտ չէ: Մինչդեռ ԱՆ փոխնախարար Լենա Նանուշյանը հենց այդ ընկերությունների շահերն էր եկել պաշտպանելու:  ՀՀ–ում արտադրական կանեփի վերամշակման գործընթացով զբաղվել ցանկացող տնտեսվարող սուբյեկտները խոչընդոտների են բախվել։ Այս մասին ԱԺ տնտեսական հարցերի մշտական հանձնաժողովի նիստում ասաց ՀՀ առողջապահության նախարարի տեղակալ Լենա Նանուշյանը` խոսելով «Թմրամիջոցների և հոգեմետ նյութերի մասին» օրենքում փոփոխություններ և լրացումներ կատարելու մասին» օրենքի նախագծի մասին։

ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը հիշեց` երբ քննարկում էին արտադրական կանեփի վերամշակման գործընթաց սկսելու մասին, խոսվում էր միլիոնավոր դոլարների շրջանառության, եկամուտների մասին։ Այսօր պատգամավորը չի հասկանում, թե ինչն է պատճառը, որ նման եկամտաբեր և գրավիչ բիզնեսով զբաղվում է ընդամենը 1 ընկերություն, այն էլ՝ կիսատ–պռատ։

Քննարկումները արդյունքում թեժացան և կողմերը միմյանց սկսեցին մեղադրել տնտեսվարողների շահերին հարվածելու մեջ: Ուշագրավն այն է, որ վերջին շրջանում ԱԺ հանձնաժողովների նիստում կարծես թե սովորական երևույթ է գործադիրում հանգրվանած ՔՊ-ականների բախումները իրենց խորհրդարանական գործընկերների հետ: Այս անգամ անգամ էլ ԱՆ բերած նախագիծը փաստորեն չընդունվեց: Դժվար է ասել, թե ինչ կլինի ապագայում,սակայն, արձանագրենք, որ որքան էլ զավեշտալի չի հնչում, սակայն այսօր կանեփը ՔՊ-ականների համար իսկական կռվախնձոր էր դարձել..