Ղրիմում անհայտ հանգամանքներում հացահատիկի 5 վագոն դուրս է եկել ռելսերից

Ղրիմում՝ Սիմֆերոպոլի մոտակայքում, հացահատիկով բեռնված 5 վագոն դուրս է եկել ռելսերից, Ռիա Նովոստիին հայտնել է արտակարգ ծառայությունների աղբյուրը:

«Միջադեպը տեղի է ունեցել առավոտյան՝ տեղական ժամանակով ժամը 7:45-ին: Պատճառները պարզվում են»,-ասել է աղբյուրը։

Ղրիմի երկաթուղային ծառայությունը հայտնել է, որ միջադեպը տեղի է ունեցել «երկաթուղային տրանսպորտի աշխատանքին չարտոնված անձանց միջամտության պատճառով»։ Վթարի վայր են ուղարկվել վերականգնողական գնացքներ։

Միջադեպի հետևանքով տուժածներ չկան, շրջակա միջավայրին վտանգ չի սպառնում։