Արմեն Մելիքբեկյանը փրփուրներից է կախվում

ՖԻՖԱ-ն ամփոփել է եվրոպական անդամ ասոցիացիաների համար մշակված FIFA Forward Awards-2023 հատուկ նախաձեռնության արդյունքները: Առաջին անգամ իրականացվող նախաձեռնությանը ներկայացված են եղել 21 ասոցիացիաների կողմից վերջին մի քանի տարում իրականացված ենթակառուցվածքային նախագծեր՝ այդ թվում օրինակ՝ Գերմանիայի, Ֆրանսիայի, Նիդեռլանդների, Բելգիայի, ինչպես նաև մեր տարածաշրջանից՝ Հայաստանի, Թուրքիայի, Վրաստանի և Ադրբեջանի ֆեդերացիաների։

21 երկրների ծրագրերից լավագույնն է ճանաչվել Հայաստանի ֆուտբոլի ֆեդերացիայի՝ Մասսայական ֆուտբոլի մարզային ենթակառուցվածքների զարգացման ծրագիրը (89 փոքր դաշտեր Հայաստանի մարզերում):

Այս լուրը, իհարկե, անչափ ուշագրավ և կարևոր է, սակայն, հետաքրքիր է, որ ՀՖՖ-ն այնպես է տարածում այս տեղեկությունը, ասես Հայաստանը շռնդալից արդյունք է գրանցել ֆուտբոլի զարգացման հարցում, ինչը, մեղմ ասած, այդպես չէ: Հայաստանի թե տղամարդկանց, թե կանանց ազգային հավաքականները շարունակում են գահավիժել համաշխարհային դասակարգման աղյուսակներոմ և մրցակիցներին պարտվել հոքեյին բնորոշ հաշվով:

Ինչպես երևում է՝ Արմեն Մելիքբեկյանը որոշել է կախվել փրփուրներից և ցույց տալ, որ քրտնաջան աշխատել է՝ վասն հայրենական ֆուտբոլի զարգացման...