Շիրակի մարզպետը զբաղված է սեփական հույժ կարևոր խնդիրների լուծմամբ
Վերլուծական
Գյումրու «Մոր և մանկան» ավստրիական հիվանդանոցում օրերս կրկին տնօրենի ժամանակավոր պաշտոնակատար է նշանակվել։ Հիվանդանոցի աշխատակիցների համար տարօրինակ է տնօրենի ժամանակավոր պաշտոնակատարին նոր պաշտոնակատարով փոխարինելը։ Նազելի Բաղդասարյանին փոխարինած մարզպետ Մուշեղ Մուրադյանն էլ օրերս տնօրենի պաշտոնակատար նշանակեց սեփական թեկնածուին՝ վնասվածքաբան Կարեն Գևորգյանին։ Ուշագրավ է, որ նախկին տնօրեն Ժորժիկ Սերոբյանը դատական կարգով վերականգնվել է իր պաշտոնում, սակայն այդ հանգամանքին ոչ ոք ուշադրություն չի դարձնում, ավելին՝ տնօրենի թափուր հաստիքի համար մարզպետարանը մրցույթ է հայտարարել։ Սպասելի է, որ մրցույթը հաղթելու է ներկայիս մարզպետի թեկնածուն՝ տնօրենի ժամնակավոր պաշտոնակատարը։
Նշենք նաև, որ ըստ տեղեկությունների՝ Շիրակի նորանշանակ մարզպետ Մուշեղ Մուրադյանը պատրաստվում է մարզում իրագործել բուժհիմնարկների օպտիմալացման ծրագիր: Նա մտադիր է միավորել Գյումրի բժշկական կենտրոնն ու «Գյումրու մոր և մանկան ավստրիական հիվանդանոց»-ը: Բնականաբար, այստեղ էլ չի անցնի առանց յուրայիններին յուղոտ պաշտոններ բաժանելու;
Ինչպես երևում է՝ Մուշեղ Մուրադյանը առանձնապես շահագրգռված չէ Շիրակի մարզի խնդիրների լուծմամբ և զբաղված է միայն յուրայիններին յուղոտ պաշտոնների դասավորելով:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
