Թուրքիայում անհայտ օբյեկտի պատճառով տասնյակ չվերթներ չեղյալ են հայտարարվել

Թուրքական Գազիանթեփ օդանավակայանում անհայտ օբյեկտի հայտնաբերումից հետո տասնյակ չվերթեր են չեղարկվել, ուղևորները մի քանի ժամ սպասել են իրենց թռիչքներին։ Այս մասին հայտնում է Haberler պորտալը։

Պորտալի տվյալներով՝ շաբաթ օրը՝ մայիսի 20-ի գիշերը, մոտ 2743 մետր բարձրության վրա երկու մարդատար ինքնաթիռների անձնակազմերը նկատել են անհայտ օբյեկտ։ Օդաչուները իրավիճակի մասին հայտնել են Գազիանթեփի օդային երթևեկության կառավարման կենտրոնին։ Գազիանթեփի օդանավակայանում թռիչքները դադարեցվել են։

Ինքնաթիռներն ուղղություն են վերցրել Շանլուրֆայի և Ադանայի օդանավակայաններ։ Նշվում է, որ ստեղծված իրավիճակի վերաբերյալ պաշտոնական պարզաբանումներ կտրվեն ավելի ուշ։