«Երեկ պարզ դարձավ, որ Թուրքիան որոշակի գին է վճարում». Ռիչարդ Կիրակոսյան
Աշխարհ
«Հայաստանի արտաքին քաղաքականությունն այս տարի ավելի ուժեղ էր, քան Թուրքիայինը, ինչի շնորհիվ Հայաստանն էլ ավելի ամրապնդեց իր դիրքերը։ Ներկայումս միջազգային հանրությունը ճնշում է գործադրում Թուրքիայի վրա», – այսօր «Հենարան» մամուլի ակումբում տեղի ունեցած ասուլիսի ժամանակ հայտարարեց Տարածաշրջանային հետազոտությունների կենտրոնի տնօրեն Ռիչարդ Կիրակոսյանը։
Նրա խոսքերով այս ամենը կապված է հայ-թուրքական հարաբերությունների բարելավման հետ։
Ռիչարդ Կիրակոսյանն այս տարվա կարևոր գործոններից է համարում ԼՂ գործընթացը։
Նա կարևորեց նաև ՀՀ հարաբերությունները ԵՄ-ի հետ՝ նշելով, որ անցնող տարում համագործակցությունը ԵՄ-ի հետ ավելի արդյունավետ էր, քան նախորդ յոթ-ութ տարիների ընթացքում. «Սակայն պետք է պահպանել այն, ինչ ձեռք ենք բերել», - հավելեց նա։
Հաջորդ տարի տեղի ունենալիք իրադարձություններից Ռիչարդ Կիրակոսյանը կարևորեց ԼՂ գործընթացը, որը հաջորդ տարի թույլ ընթացք է ունենալու, և Մինսկի խմբի երկրների նախագահական ընտրությունները։
Իսկ ինչ վերաբերում է Թուրքիային, նա նշեց, որ նրանք կարող են վերադառնալ հարաբերությունների նորմալացման գործընթացին։ «Սակայն երեկ պարզ դարձավ, որ Թուրքիան որոշակի գին է վճարում», – նկատեց նա:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
