ՆԱՏՕ-ի խորհրդարանական վեհաժողովը Ուկրաինայի դեմ Ռուսաստանի գործողությունները «ցեղասպանություն» է ճանաչել

ՆԱՏՕ-ի խորհրդարանական վեհաժողովը Ուկրաինայի դեմ Ռուսաստանի գործողությունները ճանաչել է որպես «ցեղասպանություն», իսկ ռուսական ռեժիմը՝ «ռասիստական»։ Այս մասին մայիսի 22-ին Facebook-ում հայտնել է ՆԱՏՕ-ի ԽՎ-ում Ուկրաինայի պատվիրակության ղեկավար Եգոր Չերնյովը։

«ՆԱՏՕ-ի խորհրդարանական վեհաժողովը Ուկրաինայի դեմ Ռուսաստանի գործողությունները ճանաչել է որպես «ցեղասպանություն», իսկ Ռուսաստանի Դաշնությունում գործող ռեժիմը՝ «ռասիզմ»»,- գրել է ժողովրդական պատգամավորը։
 
Նրա խոսքով, ՆԱՏՕ-ի ԽՎ-ն նաև կոչ է արել անդամ երկրների կառավարություններին Վիլնյուսի գագաթնաժողովում բացահայտ հայտարարել, որ Ուկրաինան դառնալու է Դաշինքի անդամ և համաձայնեցնել ՆԱՏՕ-ին Ուկրաինայի անդամակցության հաջորդ կոնկրետ քայլերը։
 
«Սա մեր դիվանագիտական ​​հաղթանակն է։ Հռչակագրի վերջնական տեքստի հետ կապված մեր բոլոր առանցքային ցանկությունները հաշվի են առնվել»,– համոզված է Չերնևը։
 
Ժողովրդական պատգամավորը նշել է, որ հռչակագրի տեքստը վերաբերում է միջազգային տրիբունալի աջակցությանը, Ուկրաինային հաղթանակից առաջ և հետո օգնությանը, ռասիզմի գաղափարախոսության դատապարտմանը, տարածքային ամբողջականության վերականգնմանը, ինչպես նաև պատժամիջոցներին ու փոխհատուցումներին։

 Հիշեցնենք, որ ՆԱՏՕ-ի գագաթնաժողովը կանցկացվի Վիլնյուսում՝ հուլիսի 11-12-ը։