«Չնայած Թուրքիայի սպառնալիքներին՝ օրինագիծն ընդունվեց». Կիրո Մանոյան
Աշխարհ
«Թուրքիան մեծ սպառնալիք էր իրականացրել, բայց դա չտապալեց օրինագծի ընդունումը, ինչը շատ կարևոր է: Հիմա պետք է պայքարենք, որ օրինագիծն ընդունվի Սենատում, որը կլինի մինչև մարտ: Ակնկալվում է, որ կմտնի Սենատ և դրական եզրակացություն կստանա: Չնայած նրան, որ Սենատն այս տարի մեկ անգամ մերժել է դա օրակարգում ներառելը», – այսօր լրագրողների հետ հանդիպման ժամանակ ասաց ՀՅԴ Բյուրոյի Հայ Դատի և քաղաքական հարցերի գրասենյակի պատասխանատու Կիրո Մանոյանը:
Նա նշեց, որ նախորդի համեմատ սա այլ տեքստ ունի, ուստի ակնկալվում է, որ կընդունվի Սենատում:
«Այս օրինագիծը քաղաքական պատասխան է Թուրքիայի ժխտողական քաղաքականությանը: Կարևոր էր, որ Ֆրանսիան նման որոշում ընդունի, ինչը կարող է օրինակ դառնալ ԵՄ երկրների համար, հատկապես Ցեղասպանությունն արդեն ճանաչածների համար, որպեսզի ընդունվեն նման օրինագծեր: Սլովակիայում ընդունվել է նման օրենք, սակայն Թուրքիան ոչ իմացել է, ոչ էլ աղմուկ է բարձրացրել», – նշեց Կիրո Մանոյանը:
Նրա խոսքերով՝ ի տարբերություն 2006թ. օրինագծի քննարկման, այս անգամ Թուրքիայում դրական շատ կարծիքներ հնչեցին: Եթե 2006թ. կային թուրք մտավորականներ, ովքեր դեմ էին իրենց իսկ իշխանության քաղաքականությանը, դրանցից մի քանիսն այսօր իսկ կողմ են օրինագծի ընդունմանը:
ՈՒՂԻՂ ԵԹԵՐ
Ամենադիտված 
4 ոչ աշխատանքային օր կլինի
