Հարավային Կորեայի հետախուզությունը ԱԻ-ի օգնությամբ հաշվարկել է Կիմ Չեն Ընի քաշը
Համաշխարհային Մամուլ
Հարավային Կորեայի պետական հետախուզական գործակալությունը հաշվարկել է Հյուսիսային Կորեայի առաջնորդ Կիմ Չեն Ընի քաշը՝ օգտագործելով արհեստական ինտելեկտ, հայտնում է Yonhap-ը։ Գործակալության տվյալներով՝ լուսանկարների ու տեսանյութերի վերլուծության հիման վրա ենթադրություն է արվել Հյուսիսային Կորեայի առաջնորդի քաշի մասին։
«Մայիսի 16-ին հրապարակային ելույթի ժամանակ Կիմ Չեն Ընը հոգնած տեսք ուներ՝ աչքերի տակ ընդգծված մուգ շրջանակներով, քաշի վերլուծությունը արհեստական ինտելեկտի միջոցով ցույց տվեց, որ նա կշռում է մոտ 140-ից 150 կիլոգրամ»,- հայտնել է Հարավային Կորեայի խորհրդարանի պատգամավոր Յու Սան Բոմը՝ իշխող «Քաղաքացիական ուժեր» կուսակցությունից՝ հղում անելով հետախուզական տվյալներին։
Նրա խոսքով՝ Սեուլում կասկածում են, որ Կիմ Չեն Ընը տառապում է ոչ միայն ավելորդ քաշից, այլ նաեւ անքնությունից։ Նա նաեւ հավելել է, որ հետախուզությունը չի բացառում, որ ԿԺԴՀ առաջնորդը մաշկային հիվանդություն ու ալերգիա ունի։
«Անցյալ տարվա վերջից նախագահ Կիմի ձեռքերում անընդհատ քերծվածքներ և կապտուկներ են երևում, որոնք, ենթադրվում է, ալերգիայից և սթրեսից առաջացած դերմատիտի համակցություն են», - ասել է Յու Սան Բոմը:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
