PR-ի «առաջամարտիկների» թոփ 10-յակը
Վերլուծական
Հեղափոխությունից հետո Հայաստանյան բազմաթիվ պաշտոնյաներ աչքի են ընկնում ոչ թե բուռն գործունեությամբ, այլ սեփական փիառով, որին էլ անխնա լծվում են՝ մի կողմ դնելով իրենց ոլորոտներում առկա բազմաթիվ և ինչն էլ ավելի կարևոր է ՝ անհապաղ լուծում պահանջող խնդիրները: Ձեր ուշադրությանն ենք ներկայացնում սեփական PR-ի վրա բռնված պաշտոնյաների տասնյակը:
Ինքնա-PR-ի առաջամարտիկը անշուշտ վարչապետ Նիկոլ Փաշինյանն է: Բոլորի հիշողության մեջ թարմ է վերջինիս արված լուսանկարները Սու ռմբակոծիչներից. ընդ որում, ամիսներ անց՝ արդեն պատերազմից հետո, պարզ դարձավ, որ այդ ռմբակոծիչների հրթիռները բացակայում էին, այդ հանգամանքը, սակայն, Փաշինյանին որևէ կերպ չի խանգարել։
Փաշինյանը վերջին շրջանում նաև փորձում է հանրային աջակցության իմիտացիա ստեղծել և հաճախ է լուսանկարվում տարբեր սոցիալական շերտերի ներկայացուցիչների հետ։
Պետական վերահսկողական ծառայությունում (ՊՎԾ) պետի տեղակալ վերանշանակված Արա Եղոյանի աշխատասենյակում՝ ուղիղ վերջինիս գլխավերևում, բնականաբար, կախված է Նիկոլ Փաշինյանի մեծադիր նկարը: Ինքը լուսանկարվել է այդ ֆոնին, նկարը տեղադրել սոցցանցի իր էջում. իր գործն է: Սակայն, այդ լուսանկարը, փաստորեն, ՊՎԾ մեկ այլ աշխատակցի՝ Հայկ Նազարյանին, այնքան է ոգևորել, որ վերջինս Արա Եղոյանի լուսանկարը տեղադրել է իր էջում ու մի ձոն նվիրել դրան:
Վերջին ամիսներին ՔՊ-ականները պարզապես առիթը չեն կորցնում PR-վելու համար և այդպիսի առիթներից մեկն էլ շաբաթներ առաջ կազմակերպված շաբաթօրյակն էր: Երևանում աղբի մաքրման սուրբ գործին էր լծվել փոխքաղաքապետ Տիգրան Ավինյանը։
Կրթական ռեֆորմները «հորով -մորով» արած ԿԳՄՍ նախարար Ժաննա Անդրեասյանը ևս որոշել է իր մասին հիշեցնել։
ԱԺ-ում պաշտպանության հանձնաժողովում պարապուրդի մատնված Անդրանիկ Քոչարյանը ու Արմեն Խաչատրյանը առիթը բաց չեն թողնում զինվորական համազգեստով նկարվելու համար, թեև պատերազմի օրերին մեկը որդուն էր այդ պատերազմից փախցրել, մյուսի գտնվելու վայրի և հերոսական սխրանքների մասին ոչինչ հայտնի չէ։
Հորդացող ներդրումների կեսի կեսն էլ չապահովված էկոնոմիկայի նախարար Վահան Քերոբյանը զբաղված է առողջ ապրելակերպը գովազդելով, ձեռքի հետ ինչպես ասում են՝ գովազդելով ինքն իրեն։
Մեկ տարի առաջ Հայաստան ժամանած շտապօգնության մեքենաներն էլ հայ պաշտոնյաներին PR-սելֆիների առիթ տվեցին։ Հատկապես առողջապահության ոլորտը գլխովին տապալած նախարար Անահիտ Ավանեսյանին, ով անգամ այդ մեքենաները Հայաստան բերելու հետ որևէ առնչություն չէր ունեցել, ինչը, սակայն, չխանգարեց վերջինիս մի լավ փիառվել դրանց ֆոնին։
Վեց ամիս շարունակ պարապուրդի մատնված Շիրակի մարզպետ Մուշեղ Մուրադյանը նույնպես փիառ ակցիաներից անմասն չի մնացել, սակայն վերջինիս փիառվելու հնարավորությունները և առիթներն այնքան սուղ էին, որ բավարարվել է մարզ մտնող ճանապարհին նոր ցուցանակի տեղադրումը ավետելով։
Վեդի համայնքի ղեկավար Գարիկ Սարգսյանը, ով ընտրվելուց հետո գրեթե ոչնչով աչքի չի ընկել, բացառությամբ Նիկոլ Փաշինյանի ելույթները տարածելով, իր ֆեյսբուքյան էջում միաժամանակ փորձում է աշխատանքի բուռն իմիտացիա ապահովել։
Աշտարակի համայնքապետ Թովմաս Շահվերդյանը նույնպես հետ չի մնում իր նորելուկ թիմակիցներից: Դիցուք՝ նա տեղադրել էր լուսանկար «Իմ քայլը» հիմնադրամի տնօրեն Մխիթար Հայրապետյանի հետ հանդիպումից, կարող էր տպավորություն ստեղծվել, որ լուրջ ծրագրեր են քննարկվում և մեգա նախագծեր են պլանավորում իրականացնել համայնքում, սակայն այդ հանդիպումից հետո մնաց միայն տվյալ լուսանկարը: Մինչ օրս հայտնի չէ, թե ի վերջո հիմնադրամը ու համայնքապետարանը ինչ ընդհանուր հայտարարի են եկել։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
