Bloomberg-ը հայտնել է Չինաստանի հետ հարաբերությունները վերականգնելու Բրիտանիայի փորձերի մասին

Մեծ Բրիտանիայի վարչապետ Ռիշի Սունակը փորձում է գաղտնի կերպով բարելավել հարաբերությունները Լոնդոնի և Պեկինի միջև, հայտնում է Bloomberg-ը։

«Մեծ Բրիտանիայի վարչապետ Ռիշի Սունակը փորձում է վերականգնել Մեծ Բրիտանիայի հարաբերությունները Չինաստանի հետ այնպես, որ ոչ ոք չտեսնի», - ասվում է հոդվածում։

Լրագրողների տվյալներով՝ որոշ ժամանակ առաջ Սունակը Առևտրի նախարարին ուղարկել է Հոնկոնգ՝ փակ դռների հետևում Պեկինի հետ տարաձայնությունները հարթելու համար։ Բացի այդ, Մեծ Բրիտանիայի արտաքին գործերի նախարար Ջեյմս Քլիվերլին առաջիկա ամիսներին պետք է մեկնի Չինաստան։

Միաժամանակ գործակալությունը նշել է, որ ինքը՝ Սունակը, ի տարբերություն Ֆրանսիայի, Գերմանիայի և Իսպանիայի առաջնորդների, առայժմ ձեռնպահ է մնում Չինաստան այցելելուց և նախագահ Սի Ծինփինի հետ հանդիպելուց։ Աղբյուրները կարծում են, որ վարչապետը դժվար թե այցելի Պեկին մինչև 2025 թվականին կայանալիք Մեծ Բրիտանիայի հաջորդ համընդհանուր ընտրությունները: