Պղինձն էժանանում է

Պղնձի արժեքը երկուշաբթի նվազում է ցույց տալիս ԱՄՆ-ում գործազրկության վիճակագրության հրապարակումից հետո դոլարի թանկացման ֆոնին, վկայում են սակարկությունների տվյալները:

Comex բորսայում պղնձի հուլիսյան ֆյուչերսներն էժանանում են 0,75 տոկոսով՝ մեկ ֆունտի դիմաց հասնելով 3,703 դոլարի (մոտ 0,45 կիլոգրամ):

Լոնդոնի մետաղների բորսայում (LME) ուրբաթ օրվա սակարկությունների արդյունքներով պղնձի մեկ տոննայի արժեքը կրճատվել է 0,08 տոկոսով ՝ մինչեւ 8 237 դոլար, ալյումինի արժեքը ՝ 0,83 տոկոսով՝ մինչեւ 2 263,5 դոլար, ցինկի արժեքն աճել է 1,74 տոկոսով ՝ մինչեւ 2 306,5 դոլար: