Փաշինյանի քավոր մարզպետի համար պաշտոնը «անկլավներից» թա՞նկ է

Անկլավները չեն առաջացել հեղափոխությունից հետո, դրանք միշտ եղել են: Այս մասին ԱԺ-ում լրագրողների հետ զրույցում ասել է Տավուշի մարզպետ Հայկ Ղալումյանը։ «Անկլավների մասով այս պահին բանակցություն տեղի չի ունենում, երբ կլինի՝ հանրությանը տեղյակ կպահվի։ Ինչպես մենք ունենք տարածքներ Ադրբեջանի տիրապետության տակ, նույնն էլ ունեն նրանք՝ և՛ Տավուշի մարզում, և՛ ՀՀ տարբեր հատվածներում»,-ասաց Ղալումյանը։ Նա նշեց, որ անկլավների հարց հարցը լուծվելու է, Փաշինյանը բազմիցս շեշտել է, բացատրել է, որ հարցը լուծվելու է սահմանազատման, սահմանագծման ընթացքում:

Անգամ Նիկոլ Փաշինյանն է որոշակի վերապահումներով խոսում անկլավների մասին՝ հայտարարելով, որ դեռ պետք է հասկանալ իրավական հիմքերը, առհասարակ դրանք կան թե ոչ և չի բացառում, որ ամեն բան կմնա այնպես, ինչպես որ կա: Բայց արի տես, որ Փաշինյանի քավոր մարզպետը արդեն պատրաստակամ է Ադրբեջանին նորանոր տարածքներ նվիրել, նրան թերևս իրավական հիմքեր էլ անհրաժեշտ չեն: Ինչպես երևում է՝ Հայկ Ղալումյանի համար պաշտոնը շատ ավելի կարևոր է, քան իր ղեկավարած մարզի բնակչության շահերի և ՀՀ սուվերեն տարածքի պաշտպանությունը...